VOV4.Bahnar - “Lêh tưk tơ iung chă tơ mang lăng păng tơ mam xa Hà Nội sơ năm 2021” hơ nhăk ba rơ bâu tour chă tơ mang lăng, tơ mam chă tơ mang lăng ‘nao, tôch hơ iă hăm lơ tơ mam hơ păh gô đei pơ gơ̆r đơ̆ng ‘năr 16-18/4, tơ̆ hơ nih rup man Lý Thái Tổ, kuơ̆n Hoàn Kiếm, Hà Nội.

Tơ drong ‘nâu vă jang kiơ̆ trong tưk tơ iung chă tơ mang lăng lơ̆m tĕh đak yoa Khul kơ dră tĕh đak tơ lĕch hăm nơ̆r tơ băt “Bơ ngai Việt Nam chă tơ mang lăng tơ̆ Việt Nam” păng tơ iung dôm tơ drong chă tơ mang lăng lơ̆m tĕh đak tơ guăt rim tơ ring đơ̆ng rŏng kơ jĭ Covid-19.

Lơ̆m tơ drong lêh, Anih vei lăng tơ drong chă tơ mang lăng Hà Nội oei pơ gơ̆r jang hơ doi hăm Anih tơ lĕch trong tơ mât jên jang, tĕch mơ dro, chă tơ mang lăng pơ gơ̆r dôm tơ drong jang Famtrip ăn dôm bơ ngai tang măt, dôm anĭh chă tơ mang lăng, bơ ngai chih hla ar tơ roi truh đơ̆ng dôm dêh char, plt năm hơ len năng tơ mam chă tơ mang lăng tơ̆ anih tơm.

Dơ̆ng: Tơ blơ̆