VOV4.Bahnar - Hăm bơngai jang hơlen joh ayo\ kră xơ\ Linh Nga Niê Kđăm, xơnăm 2017 âu ki jing minh xơnăm kăp g^t đei io\k lơ jơnei lơ\m tơdrong vei răk tơ[ăk mong joh ayo\ kră xơ\ tơring Tây Nguyên. Dôm tơdrong hơlen ako\m mă yă 'nao tơbang, nhen hơxuang kră xơ\ kơ hơdrung kon kông Tây Nguyên, đei anih juăt jang kơpal hmach bơnê. Yă oei đei pôk jing minh lơ\m dôm bơngai lui ngeh, bơngai ho\k kơjung rơgei kơ kon pơlei kon kông ja#p teh đak xơnăm 2017.

- Hmach kơ duch Linh Nga Niê Kđăm. Vih hơlen lăng dơ\ng dôm tơdrong jang đei lơ\m minh xơnăm kơ âu, tơdrong kiơ pơm ăn ih [ôh hơ iă hloh?

Duch Linh Nga: Lơ\m xơnăm âu ki noh hơbo\ tơdrong mă inh [ôh hơ iă hloh noh tơdrong chă ako\m hơlen Joh ayo\ kră xơ\ kon kông Tây Nguyên. Dôm tơdrong mă inh hơlen ako\m hlôi đei anih juăt jang kơpal xơkơ\t jơnei tơnăp. Pơtih nhen tơmam hơpăh ăn tơdrong hơlen ako\m joh ayo\ kơ bre klo hơkăn jang Joh ayo\ hơxuang kră xơ\ kon kông Tây Nguyên. Keh đang đề tài hơlen ako\m găh joh ayo\ kơ kon pơlei Rơ Mâm tơ\ Kon Tum. Inh jang xơnong găh tơdra hri et xa, bre klo hơkăn atu\m vang hơlen găh hơxuang lơ\m đề tài găh joh ayo\ kră xơ\ kơ kon pơlei Ê đê gru\p Drao tơ\ Đak Lak. Đang kơ noh vang năm hơlen tơ\ pơlei pơla, pơtih nhen năm ako\m et xa Katê kơ kon pơlei Chăm tơ\ Ninh Thuận, lêh ako\m puih mak kơ kon pơlei Nùng tơ\ Buôn Hồ, dôm lêh ako\m joh ayo\ tơ\ apu\ng Cư Mgar. Lăng atu\m tơ\ yơ đei lêh ako\m joh ayo\ noh pơđ^ bre klo hơkăn atu\m năm hơlen. 'Nâu jing dôm tơdrong jang mă inh [ôh lơ\m xơnăm âu ki nhôn hlôi jang đei jơnei lơ.

- O| ah, noh hei ih tơroi truh tơdrong hơlen ako\m tơdra hơxuang kon pơlei kon kông Tây Nguyên. Ih hăm gơh tơroi găh minh [ar tơdrong ako\m đei lơ\m tơdrong hơlen âu?

Duch Linh Nga: Tơdrong hơlen ako\m tơdra hơxuang kon pơlei kon kông Tây Nguyên jing tơdrong ako\m đei đơ\ng bre klo hơkăn măr nhi lơ\m 30 xơnăm kơ âu chă ako\m tơ\ tơring âu. Klo inh noh nge# sih hơxuang noh xư băt hơdăh hloh, dôm tơdra hơxuang mă ba hlôi đei lăng, dôm khôi pơkăp đei tơre\k truh hơxuang noh xư kloh kle\ch hloh păng inh noh bơngai chih đe\ch. Păng noh hơbo\ duh jing tơdrong hơlen ako\m mă klo hơkăn nhi lăp hloh. Găn ga lơ khei năr hơlen ako\m, phơ pho\ oei năm hơlen truh dôm teh đak tơring Đông Nam Á vă pơtêng lăng tơdra hơxuang kơ dôm hơdrung kon kông nai hăm hơdrung kon kông Tây Nguyên đei yă kiơ nhen băl păng phara băl. Tơdrong hơlen ako\m đei Jơnu\m jang găh joh ayo\ kră xơ\ Việt Nam pôk bơnê păng đei hơpăh jơnei mă [ar kơ jơnu\m jang joh ayo\ kră xơ\  Việt Nam.

            - Hăm dôm tơdrong đei jơnei, ih đei pôk bơnê lơ\m Lêh pôk hơpăh bơngai lui ngeh, ho\k kơjung păng bơngai jang mu\k drăm rơgei kơ kon pơlei kon kông ja#p teh đak xơnăm 2017 yuơ Anih jang găh kon pơlei kon kông pơgơ\r tơ\ Hà Nội. Ih kơche\ng thoi yơ găh tơdrong đei io\k hơpăh âu?

Duch Linh Nga: Tơpă noh inh jang tơdrong âu ưh kơx^ vă đei io\k pôk hơpăh mă hăp đơ\ng đon bơnôh inh, tơguăt hăm kon pơlei po, pơlei pơla po, jing tơdrong tơre\k kăp g^t găh tơdrong pơm thoi yơ vă vei răk tơ[ăk mong joh ayo\/ Minh xơnong jang dơ\ng nhen kơ minh tơdrong jang hla bar tơroi tơguăt hăm po. Năm tơ\ yơ duh [ôh bơngai dơnưp jang tơdrong ‘lơ\ng, tơdrong jang mă kon pơlei jang tơnăp tơ\ âu tơ\ to, pho\ tam mă tơnăp noh ba ‘meh tơroi ăn đe ye\t băt, dôm tơdrong tơnăp noh đe băt ‘mêm, dôm tơdrong ‘lơ\ng noh đe ho\k [oi, oei dôm tơdrong ưh ‘lơ\ng noh đe hơlen veh ver.

Inh duh ưh ê, ưh đei kơche\ng kơdih po đei pôk hơpăh jing bơngai ho\k kơjung rơgei. Tơdrong mă noh duh bơnê kơ anih jang găh kon pơlei kon kông hlôi rơih inh. Mă lei tơpă noh inh ‘meh đei minh tơdrong kăp g^t lơ\m vei răk tơ[ăk mong joh ayo\ kon kông, mă [ar noh hơlêm mih ma duch nă jang xa athei jo# hơlen, io\k yua tơdrong rơgei khao ho\k kih thuơ\t vă đei tơdrong erih xơđơ\ng găh đon bơnôh, kơjăp găh mu\k drăm.

- Yak mơ\t lơ\m xơnăm ‘nao âu noh ih hăm đei vă pơtoi jang tơdrong kiơ ưh, mă nhen ih ‘nao tơroi hei, ‘meh pơm yă kiơ kăp g^t hloh lơ\m tơdrong vei răk tơ[ăk mong joha yo\ kon kông păng hơvơn kon pơlei lơ\m pơlei vang jang?

Duch Linh Nga: Tơdrong mă pơm inh pơngơ\t kơ đon hloh noh joha yo\ kon pơlei kon kông Tây Nguyên duh oei tơpăi răh rai. Nhen le\ bơ\n hlôi jang, jang lơ bơih mă lei hăp đei jơnei nhen ‘meh vă. Pơyan puih mak truh bơih, mă pơyan puih mak kơ lêh ako\m tơ\ ja#p tơring, mă kăl noh tơ\ Tây Nguyên. Inh hơpơi đei năm truh dôm lêh ako\m noh, tơdrong tơre\k đơ\ng inh, nơ\r pơma ba gô tơgu\m ăn kon pơlei pơm thoi yơ vă vei răk tơ[ăk mong tơdrong juăt jue ‘lơ\ng ro\, rơih tơdrong ‘lơ\ng prơih tơdrong kơne#, tơdrong ưh hơ iă, tơdrong pă đei [lep noh bơ\n xut le#, dôm tơdrong kiơ ‘lơ\ng hơ iă kơ joh ayo\ kon kông noh ba chăp vei. Inh adro# hơpơi kơdih po đei jơhngơ\m pran vă vang ako\m lơ lêh joh ayo\ hloh, thoi noh ba gơh ho\k hơlen răh lơ tơdrong joh ayo\ juăt jue, tơgop răh hăm kon pơlei răk vei. ‘Nguaih kơ noh, duh ‘meh vă chih măt chă ako\m hơlen minh [ar tơdrong hri hơ ‘mon kơ kon pơlei Jarai, kơche\ng noh thoi ăi. Păng duh chih ako\m vă apinh tơgu\m vă chih răk dôm [ai chêng kơ kon pơlei Sơdang, Bahnar, đang kơ noh ‘măn pơtho ăn kon xâu. Dôm tơdrong noh tơpă tơnap păng athei đei jên. Inh ‘meh vă đei tơdrong tơgu\m đơ\ng dôm anih jang mă ba lui ngeh vă gơh jang đei dôm tơdrong mă noh.

- O| ah, thơ thâu hăm ih păng unh hnam minh xơnăm ‘nao grăng pran păng jang keh tơnăp dôm tơdrong pơkăp vă jang kơ po.

Tơblơ\ nơ\r: Lan