VOV4.Bahnar - Lơ̆m dôm năr âu ki, lơ tơ ring lơ̆m teh đak hơ nơ̆ng đei kơ sô̆ bơ ngai jĭ Covid-19 tŏk lơ. Pơ gê ‘năr 30/12, tơ̆ Nghệ An đei 81 ‘nu jĭ Covid-19 ‘nao tơ̆ 13 tơ ring, lơ̆m noh đei 10 ‘nu lơ̆m tơ pôl. Oei dêh char Hưng Yên, lơ̆m 2 năr ‘năr 28 păng 29/12, đei 249 ‘nu jĭ SARS-CoV-2. Kăl kơ lăng truh, chă ƀôh lơ bơ ngai jĭ ‘nao tơ̆ rim hơ nih đei jĭ kơ kŏng ti pơm tơ lĕch lơ̆m apŭng Tiên Lữ, Văn Lâm, thị xã Mỹ Hào. Tơ̆ dêh char Ninh Bình, lơ̆m ‘năr 29/12, hlôi đei 29 ‘nu jĭ ‘nao. Lơ̆m 2 năr âu ki, dêh char Bắc Ninh kŭm đei 411 ‘nu jĭ ‘nao Covid-19. Tơ dra hơ drol tơ̆ hơ năp kơnh kơ sô̆ bơ ngai jĭ gô hơ nơ̆ng tŏk hrĕnh ƀơ̆t rim tơ drong jang mŭk drăm - tơ pôl lơ̆m dôm năr hơ tuch sơ năm tŏk lơ.

Thuem: Tơ blơ̆