Dơnau Tuyền Lâm đe\i hơgăt te\h să vă je# 3.000ha găh să ‘no\h bri ‘long hơngo păng dơnau đak

VOV4.Bahnar – An^h tơmang pơ hiơ\ Dơnau Tuyền Lâm, pơlei tơm Đà Lạt, dêh char Lâm Đồng ‘nao đe\i Thủ tướng Te\h đak pơm tơle\ch Tơdrong tơchơ\t drơ\ng nơ\r jing An^h tơmang pơ hiơ\ Te\h đak mă blu\ng tơ\ te\h đak bơ\n. Hăm tơdrong ‘lơ\ng hơ iă oe\i plơ\ng đơ\ng sơ\, ‘năr rơngơp păng dôm tơdrong pơgơ\r ‘lơ\ng hơ iă, An^h tơmang pơ hiơ\ Dơnau Tuyền Lâm jing an^h ‘lơ\ng hơ iă kơ tơmoi lơ\m te\h đak păng te\h đak đe. 

Atăih an^h kơdrơ\m Đà Lạt dang 6km găh Pơbăh, An^h tơmang pơ hiơ\ Te\h đak Tuyền Lâm să vă je# 3.000ha, lơ\m au găh să ‘no\h bri ‘long hơngo păng dơnau đak. Hăm ‘năr rơngơp prăt sơnăm, cham char ‘lơ\ng ro\ păng sơđơ\ng ‘lơ\ng hơ iă, Dơnau Tuyền Lâm đe\i tơdrong hơ iă hăm tơmoi.

‘Nho\ng Trần Văn Long yak đơ\ng pơlei tơm Hồ Chí Minh pơma: “&nh năm tơ\ Đà Lạt lơ ‘măng bơih, mă le\i ‘nau ‘măng mă blu\ng chă năm ngôi hiơ\ tơmang pơ hiơ\ au, hăp pơm ăn kơ ^nh tôch kơ chr^h păng hơ iă. Mă kăl, kơd^h kau ba je\i tôch hưch anh hăm cham char, kơ yuơ lơ lo\h, trong pơgơ\r au sa roi pơm ăn kơ ba hưch hanh hăm tơdrong chă tơmang lăng ‘lơ\ng hơ iă hloh dơ\ng”.

An^h tơmang pơ hiơ\ ‘lơ\ng lie\m, Dơnau Tuyền Lâm jing An^h pơdơ\h pơge\i ‘lơ\ng hơ iă

Atu\m hăm cham char tơmang lăng, tơ\ au hlôi đe\i pơ jing tơmam drăm tơgum ăn tơmang pơ hiơ\ tôch kơ ‘lơ\ng hơ iă nhen: năm tơmang pơ hiơ\ bri ‘long, pơdơ\h pơde\i atu\m hăm pơgơ\r hop ako\m, chă yak tơ\ an^h hli hlơt hơmơt tơt, tơle\i te\h to\ng – đing tơse\r, cham golf, hao vơ\r tho\ng nan, hao tho\ng nan chă tơmang lăng lơ\m dơnau đak, jơnu\m kơ trăi atu\m hăm tôn ch^ng chêng păng tơmang pơ hiơ\ an^h kơ\m kang kơnang gie\ng …

Tru\h năm tơmang Thiền Viện Trúc Lâm đe\i pơ jing tơ\ j^h dơnau Tuyền Lâm, mo\ Nguyễn Thị Tuyết Lan, tơmoi đơ\ng dêh char Đồng Nai, pơma:“Hnam chua au tôch kơ ‘lơ\ng păng je\i jing an^h tơmang pơ hiơ\ đe ư hơnhang ang hơnhăk hlo\h kơ Đà Lạt, rim ‘măng năm tơ\ au mơ\ng lăng kơ\m jơhngơ\m đon tôch ‘lơ\ng hơ iă. Nhen le\ rim ‘măng năm tơ\ Đà Lạt, ^nh hăm u\nh hnam je\i droong năm ngôi tơ\ hnam chua au ngăl. Păng bơ\n tơche\ng ‘nau jing an^h tiơmang pơ hiơ\ kơ\m kang kơnang gie\ng mă đ^ đăng tơmoi tơmang pơ hiơ\ je\i ‘me\h vă năm tru\h ngăl”.

Ư|h khan lăp hơdro# tơmoi lơ\m te\h đak, lơ tơmoi te\h đak đe je\i lu\h năm kơtang tơ\ an^h tơmang pơ hiơ\ te\h đak au. {ok Marine Van Der Beek, tơmoi đơ\ng te\h đak Hà Lan tôch hưch hanh tơ\ anăp cham char ‘lơ\ng ro\ kơ An^h tơmang pơ hiơ\ te\h đak Dơnau Tuyền Lâm.

{ok Marine Van Der Beek pơma: “ An^h tơmang pơ hiơ\ Dơnau Tuyền Lâm au tôch ‘lơ\ng hơ iă, đe\i bri ‘long hơngo krum tăp dăr dơnau đak hlăng hnhơr, rơgo\h ‘lơ\ng, pơm ăn măt lăng hơ iă mư\h năm tơ\ au. Nhôn je\i gô vă v^h hơlơ\k năm ngôi tơ\ an^h tơmang pơ hiơ\ au dơ\ng, kơ yuơ tơdrong jang chă tơgum djru tơmang pơ hiơ\ tơ au tôch kơ ‘lơ\ng, tơnăp, phăl rơhăo”.

An^h tơmang pơ hiơ\ au hlôi hơvơn 37 tơdrong vă jang tơmơ\t jên jang

Đe\i iung jang đơ\ng sơnăm 2004, tru\h dang e\i, An^h tơmang pơ hiơ\ dơnau Tuyền Lâm, Đà Lạt hlôi hơvơn đe\i 37 tưodrong vă jang tơmơ\t jên jang, lơ\m au đe\i 10 tơdrong vă jang hlôi đe\i iung jang mơdro sa hăm kon jên tơmơt jang hlo\h 2.400 ti hlak jên. Lơ\m au, Ko\ng ty Tơmơ\t jên jang păng Ato\k tơ iung Sacom ‘no\h m^nh lơ\m 1 an^h tơmơt jên jang đe\i iung jang tơ\ au jang sa jơne\i hlo\h. Kiơ\ đơ\ng [ok Đỗ Văn Trắc, Kơdră che\p pơgơ\r tơm, Kơdră Jơnu\m khu\l ve\i lăng Ko\ng ty Sacom - Tuyền Lâm, đ^ đăng 11 an^h jang đe\i pơ pro\ lơ\m An^h tơmang pơ hiơ\ Te\h đak dơnau Tuyền Lâm hlôi đe\i pơ pro\ tôch ‘lơ\ng hơ iă, lăp d^h băl [ar păh tơdrong pơdơ\h pơde\i hăm tơmang pơ hiơ\, pơdơ\h pơde\i hăm pơchơt pơ hiơ\ păng rim trong jang tơgu\m ăn tơmang pơ hiơ\ tơm – sơdrai mơ\ng kiơ\ an^h păng lơ\m tơdrong tơmơ\t jang.

{ok Đỗ Văn Trắc pơma: “ Kiơ\ kơ ^nh, lơ\m tơdrong atu\m kơ an^h bơ\ jang tơmang pơ hiơ\, mă kăl hăm tơmoi tơmang pơ hiơ\ ưh khan lăp hơdro# tơ\ Việt Nam mă le\i oe\i lơ\m tơring păng apu\ng ple\nh te\h ‘no\h đe sư tôch ‘me\h vă chă pơdơ\h pơde\i atu\m hăm pơgơ\r hop ako\m dăh mă chă pơgơ\r đă [o\ng lo\ng tơplo\ng kơdau. Lơ\m mă tơmang pơ hiơ\ tơ\ pơlei tơm ‘no\h tơ\ yơ je\i lei lăi d^h băl ngăl, kơ yuơ lơ lo\h kiơ\ kơ ^nh đe sư gô tơchă năm tru\h an^h đe\i cham char ‘lơ\ng ro\, phơi rơngơp nhen dơnau Tuyên Lâm au”

Lơ tơmam drăm tơgu\m ăn tơmang pơ hiơ\ ‘lơ\ng hơ iă 

Hăm tơdrong tơchơ\t drơ\ng An^h tơmang pơ hiơ\ Dơnau Tuyền Lâm Đà Lạt ‘no\h An^h tơmang pơ hiơ\ Te\h đak, Thủ tướng Te\h đak athe\i Dơno\ an^h ve\i lăng kon pơlei dêh char Lâm Đồng kăl iung jang kiơ\ kơ jăp lơ\m tơdrong pơgơ\r, ve\i lăng, iung jang, ato\k tơ iung an^h tơmang pơ hiơ\ te\h đak mă blu\ng kơ Việt Nam ‘moi kiơ\ [lep tơdrong tơchơ\t pơ pro\ đe\i k^ tơchơ\t, păng kiơ\ trong bơ\ jang ve\\i lăng păng pơtho tơbăt đơ\ng Dơno\ an^h tơm ve\i lăng jo\h ayo\ kơdo\ sang, Đă [o\ng lo\ng tơplo\ng kơdau păng Tơmang pơ hiơ\.

{ok Nguyễn Xuân Thành, Kơdră che\p pơgơ\r Dơno\ an^h ve\i lăng An^h tơmang pơ hiơ\ Dơnau Tuyền Lâm Đà Lạt tơbăt:“ Dơno\ an^h ve\i lăng kon pơlei dêh char je\i hlôi đe\i trong bơ\ jang lăng hơlen dơ\ng găh tơdrong hơvơn tơmơ\t jên jang, chă rơ\ih hrôih dôm bơngai tơmơ\t jên jang vă tơ iung pơ jing keh đang rim an^h uơ oe\i. Vă pơm lơ liơ bơ\n tơmơ\t jên jang đe\i jơne\i, io\k yua hơgăt te\h đe\i jơne\i mă le\i adoi ve\i lăng năng tông cham char, pơm lơ liơ ato\k kơtang ke\ an^h tơmang pơ hiơ\ dơnau Tuyền Lâm păng an^h tơmang pơ hiơ\ kơ Đà Lạt ato\k tơ iung kơtang. Tơdrong anai dơ\ng, đơ\ng dang e\i năm tơ\ anăp kơnh dêh char dêh char je\i gô jang kiơ\ rim trong jang [lep khôi luơ\t tơchơ\t, gô hu\t hloi dôm an^h tơmơ\t jên jang ư\h kơ ‘lơ\ng, bơ\ jang ư\h jơne\i”.

M^nh sơnăm, An^h tơmang pơ hiơ\ Dơnau Tuyền Lâm hơvơn đe\i dang 2 tr^u ‘nu tơmoi lơ\m te\h đak păng te\h đak đe năm tơmang pơ hiơ\, pơdơ\h pơde\i; xek tơmơ\t tơdrong jang ăn 1.000 ‘nu bơngai jang păng tơgop lơ\m an^h mong jên bơ jang te\h đak dang 20 ti hlak jên. Hăm tơdrong Thủ tướng Te\h đak tơchơ\t drơ\ng An^h tơmang pơ hiơ\ Dơnau Tuyền Lâm jing An^h tơmang pơ hiơ\ Te\h đak blu\ng a, an^h bơ\ jang tơmang pơ hiơ\ Đà Lạt – Lâm Đồng to\k bo\k dơ\ng tơ\ anăp m^nh tơdrong rơvơn atok tơ iung ‘nao.. 

Bơngai ch^h: Quang Sáng

Tơblơ\ nơ\r: Amazư\t