VOV4.Bahnar - Hlôi lơ xơnăm kơ âu, nge# nhơ\n Touneh Ma Bio tơ\ pơlei Diom A, xăh Lạc Xuân, apu\ng  Đơn Dương, dêh char Lâm Đồng hlôi răk vei pơtho tơdra hơxuang Aria kăp g^t păng pơ erih lơ tơdra hơxuang nai kơ bơngai Chu Ru.  Yă jing minh lơ\m 9 nge# nhơ\n joh ayo\ kơ dêh char Lâm Đồng, đei pôk hơnăn Nge# nhơ\n ưu tu\.

Mă drăkăn nge# nhơ\n Touneh Ma Bio hlôi to\k je# 60 xơnăm bơih, xơnăm mă kơting pă đei rơmuơn nhen đe hơdruh hơmuh hơmo\ng, mă lei ăh Ma Bio pơdăh tơdra hơxuang, yă ưh đei pha kiơ đe hơdruh.

Bơngai hơdruh tơring groi kông hram păng tih vơ\ lơ\m tơdrong joh ayo\ pơlei pơla hlôi pơm vơch jơhngơ\m kon bơngai. Kơyuơ thoi noh, mă ăh to\k 7, 8 xơnăm, tơpang ti Ma Bio hlôi gơh tôn ch^ng chêng, jơ\ng noh hơyak kiơ\ [lep tơdra hơgơ\r atu\m hăm tơdra hơxuang kơ hơdruh tơdăm lơ\m pơlei. Lăng muh măt [ru\ng [reo, hăm măt ang hơdăh, tơdra hơxuang Arya tôch ‘lơ\ng kăp g^t. ‘Nguaih kơ tơdra Aria, nge# nhơ\n Ma Bio oei răk vei păng pơ erih lơ tơdra hơxuang nai kơ bơngai Chu Ru: "Tơpă inh lăp kơ joh ayo\ kon kông po noh hăp hlôi hram lơ\m klak klơm inh, noh inh mă gơh pơdjoi ăn đe kon xâu. Rim um ai joh ayo\ đei kơdih tơdrong ‘lơ\ng hăp, noh inh ‘meh vă vei răk tơ[ăk mong um ai joh ayo\ noh, hăp hlôi hram lơ\m xe\ch pham inh bơih."

Yă Ma Bio jing minh lơ\m 9 nge# nhơ\n joh ayo\ kơ dêh char Lâm Đồng, đei pôk hơnăn Nge# nhơ\n ưu tu\. Cho\ng mă, đơ\ng đunh xơ\, yă hlôi jing nge# sih tơpă lơ\m đon bơnôh kon pơlei. Yă tơroi: Rơneh păng tih vơ\ tơ\ tơring jih đak krong Đạ Nhim ‘lơ\ng hơ[ăp, tơring teh [enh kơ tơdra hơxuang kơ bơngai Chu Ru, xơnăm mơlôh pu\ ăh kơdu\ me\, yă hlôi hram hăm tơdra ch^ng chêng, tơdra rơkel vang vơch tơpăr rok kiơ\ đak glung.

Hăm tơdrong hơpơi athei hơmet pơ ‘lơ\ng noh rim năr, yă Ma Bio hơnơ\ng pơtho pơdjoi păng truh dang ei tôm kon xâu lơ\m thôn thôn Diom A adoi kloh kle\ch lơ tơdra hơxuang păng băt tôn ch^ng chêng, hlôm ‘lal păng kơdih po đe oh gô jing chăl bơngai pơdjoi tơdrong lăp đơ\ng yă Ma Bio hăm kon xâu ning nai păng lang ling ăh bêl kơnh: “Kơyuơ inh lăp kơ joh ayo\ bơngai kon kông noh inh ho\k tôn ch^ng chêng, hơgơ\r păng hlôm ‘lal vă răk vei dôm um ai joh ayo\ kơ bơngai kon kông. Inh ho\k đei 3 khei bơih hăm nge# nhơ\n Ma Bio, inh tôn tơdra arya đơ\ng ch^ng chêng păng minh [ar [ai nai nhen [ai jơlăh unh, inh ‘meh răk vei joh ayo\ juăt jue păng pơtho ăn đe hơ ioh ie\”

Hăm lơ tơdrong joh ayo\ nai hrơ hrâu, yă nge# nhơ\n pơngơ\t kơ đon găh tơdrong lăp hăm pơlei pơla, hăm joh ayo\, hăm tơdra hri kră kăp g^t kơ kon pơlei po mă hlôi hram lơ\m klak klơm yă gô [ơm hiơt hiong mưh ưh đei răk vei, mă kăl noh hăm kon xâu ning nai kơnh. Yă tơroi: "Bơngai kon kông dang ei duh hlôi tơmơ\ng tơdra ‘nao hle dang ei. Mă lei inh ‘meh răk vei joh ayo\ kon kông po. Inh kơche\ng vă vei răk tơ[ăk mong joh ayo\ po, mă adrol noh hăm kon xâu lơ\m kơtum kơto\ng inh ‘mơ\i. Inh gô adrin hơvơn đe kon mon năm ho\k lăm inh pơtho vă ning nai kơnh ưh đei hiơt hiong tơdrong joh ayo\ ‘lơ\ng ro\ kon kông po."

Drăkăn nge# nhơ\n Ma Bio hlôi jing um ai pơ ư pơ ang kơ bơngai Chu Ru kơlih yă jing bơngai drăkăn hu\i kơ đei kơ kon pơlei po hlôi ako\m đ^ hnưr erih vă pơ erih dôm um ai joh ayo\ kơ kon pơlei Chu Ru. Tơ\ apu\ng Đơn Dương, Ma Bio duh jing minh lơ\m dôm nge# nhơ\n oei răk vei lơ tơmam drăm kăp g^t xo xơ\ kơ bơngai Chu Ru. Tôm tơmam drăm âu adoi đunh kơ hre\ng xơnăm kơ âu păng hăm hnam kơjung mă yă to\k bo\k oei dang ei adoi hloh kơ 100 xơnăm bơih. Yă Ma Sa tơ\ xăh Lạc Xuân, apu\ng Đơn Dương chơt hơ iă tơroi: "Lơ\m đe drăkăn kơ kon pơlei Chu Ru noh duch Ma Bio jing bơngai băt tôn ch^ng chêng, băt vei răk joh ayo\ âu. Ưh adro# thoi noh mă duch oei pơtho ăn kon xâu po dơ\ng. Inh [ôh bơngai Chu Ru tôch pơ ư pơ ang, năm to\ yơ duh đei đe hơ ioh pơdăh tơdrong joh ayo\ kon kông po. Kơdih po duch pơngơ\t kơ đon khei năr ano# anăp kơnh joh ayo\ juăt jue gô [ơm hiơt hiong mă lei pu\n ai đei duch Ma Bio chă pơtho ăn kon xâu nhen thoi âu noh jing minh tơdrong pơ ư pơ ang tơpă hăm bơngai Chu Ru."

Hăm tơdrong vei răk tơ[ăk mong um ai joh ayo\ kră xơ\, noh duh jing trong vă yă tơbang đon lăp mă đ^ hnưr erih kơ yă hlôi chă hơlen ako\m, pơ erih tơdra hơxuang mă xơ\ hlôi je# hiơt lơ\m đon bơnôh bơngai Chu Ru, mă lei truh dang ei hlôi pơ erih pran kơtang lơ\m tơpôl kon pơlei Chu  Ru. Yă kơche\ng, oei grăng pran noh oei plang jơhngơ\m, vei răk tơ[ăk mong păng pơjao xơnong ăn kon xâu vă um ai joh ayo\ kăp g^t kơ kon pơlei Chu Ru ưh đei hiơt hiong kiơ\ khei năr dăr xơnăm.

Lan chih păng rapor