VOV4.Bahnar - Kơ sơ̆ 24/8, Phó Thủ tướng Lê Văn Thành kŭm hăm khul jang truh bơ̆ jang tơ̆ dêh char Long An găh tơ drong jĭ COVID-19 păng tơ drong jang atŏk tơ iung mŭk drăm, tơ pôl tơ̆ tơ ring. Tơ̆ jơ bơ̆ jang, Phó Thủ tướng Lê Văn Thành akhan, tơ drong jĭ tơ̆ Long An oei tôch hơ mơt, mă lei kơ sô̆ bơ ngai jĭ gơ̆h găn ƀiơ̆ mơ̆n. Lơ̆m dôm năr truh, athei jang ‘lơ̆ng tơ drong pơ vang găn tơ pôl... mă loi athei jăh khăm hơ len, tơ chă bơ ngai F0 lơ̆m dêh char vă găn ƀiơ̆ tơ drong jĭ tơ pŏh.

Hơ drô̆ dôm anih oei hơ drô̆, pơ vang găn athei vei lăng măh mai tơ mam xa ăn kon pơ lei. Ưh lăp năng ‘nâu jĭ tơ drong vei lăng sơ đơ̆ng arih xa tơ pôl đĕch mă ‘nâu jĭ trong jang vă tang găn jĭ hai. Găh tơ drong tang găn jĭ, kiơ̆ Phó Thủ tướng Lê Văn Thành, Trung ương gô đei lơ tơ drong tơ gŭm tôch đei yoa, tơ tom ăn dôm tơ ring. Mă lei, Long An athei kơ chăng, iŏk yoa dôm tơ drong tơ gŭm vă akŏm jên ăn tơ drong tang găn jĭ. Tang găn jĭ, vă jăh tơ iung ming dơ̆ng tơ drong jang xa, tĕch mơ dro.

Dơ̆ng: Tơ blơ̆