VOV4.Bahnar  – Pơgê năr 30/8, Anih jang Phương Trang pơtoi tơgŭm ăn plei tơm HCM hloh 2.000 tơmam y tê̆ ‘nao vă tang găn păng tơjră pơrang jĭ COVID-19.

Hơdăh tơmam y tê̆ đei 2 tŏ kơmăi dui jơhngơ̆m ‘nao, 115 tơgŭm dui jơhngơ̆m HFNC đei  Oxy pơdet điê̆n tưh păng hloh 2.000 tŏ kơmăi pơm tơlĕch Oxy ‘nao ‘lơ̆ng. Dôm kơmăi tơgŭm dui jơhngơ̆m đei axong ăn Hnam pơgang 30/4 – Anih tơm Kŏng an (Anih oei hơmet lơ bơngai ƀơm jĭ COVID-19 Nhà Bè ‘nao tơ iung pơjing). Dôm kơmăi tơgŭm dui jơhngơ̆m, pơm tơlĕch Oxy tenh đei axong ăn dôm anih jang y tê̆, hnam pơgang tơdăng lơ̆m plei tơm HCM vă ‘măn hơmet ăn bơngai ƀơm jĭ Covid-19. Adrol kơ noh, Anih jang Phương Trang hlôi răt tơmơ̆t đơ̆ng teh đak 99 tong gre Toyota 16 anih oei đei pơm tơlĕch ăh xơnăm 2021 ‘nao vă hơmet pơjing gre kư̆u thương ‘măn ăn tơdrong tơgŭm dŏng bơngai jĭ COVID-19 tơ̆ plei tơm HCM păng dôm dêh char, plei tơm nai, hơtŏk kơsô̆ gre 325 tŏ gre 16 anih oei đei hơmet jing gre kư̆u thương. Đơ̆ng tong anê̆ khei 6/2021 truh dang ei đei hloh 500 tong gre kơ anih jang âu hơvơn atŭm hăm hloh 1.000 ‘nu bơngai vơ̆r gre vang jang tang găn păng tơjră pơrang jĭ  COVID-19.

Lan chih păng pơre nơ̆r