VOV4.Bahnar - Jô̆ truh 6h pơ gê 17/5, lơ̆m tĕh đak đei 37 ‘nu bơ ngai ‘nao jĭ COVID-19 tơ pŏh lơ̆m tĕh đak, mă hơ dăh tơ̆ Bắc Giang đei 22 ‘nu, Bắc Ninh 11 ‘nu, Vĩnh Phúc 3 ‘nu, Tuyên Quang 1 ‘nu. Anih tơm vei lăng jang pơ gang ăn tơ băt, lơ̆m kơ sô̆ 37 ‘nu bơ ngai ‘nao jĭ COVID-19, kơ sô̆ bơ ngai jĭ oei lơ̆m anih oei hơ drô̆ ‘nŏh 15 ‘nu. Kơ sô̆ bơ ngai jĭ tơ̆ tơ ring đei chĕng găn ‘nŏh 22 ‘nu. Lơ̆m tĕh đak ưh pă ƀôh anih ‘nao đei jĭ yơ. Kơ sô̆ bơ ngai ‘nao jĭ jô̆ đơ̆ng ‘năr 27/4 truh dang ei ‘nŏh 1.176 ‘nu. 

Jô̆ truh 16h kơ sơ̆ ‘năr 16/5, akŏm đĭ đăng bơ ngai đei ƀet vaccine tang găn jĭ COVID-19 đơt 1 păng 2 tơ̆ dôm dêh char, plt hăm 979.238 kơ liêu ăn dôm bơ ngai ‘nŏh jĭ kăn ƀô̆, bơ ngai jang pơ gang oei hơ met ăn bơ ngai jĭ COVID-19, dôm bơ ngai jang pơ gang bơ̆ jang tơ drong set hơ len jĭ, chă bơ ngai jĭ, dôm bơ ngai jang lơ̆m grŭp tang găn jĭ COVID-19 lơ̆m tơ pôl, Anih chĕp kơ̆l pơ gơ̆r tang găn jĭ tơ̆ dôm tơ ring, dôm khul linh công an, khul linh ƀô đô̆i. Lơ̆m nŏh, 22.561 ‘nu bơ ngai hlôi ƀet tôm 2 jrŭm vaccine.

Dơ̆ng: Tơ blơ̆