VOV4.Bahnar - Tơ drong kơ tơ̆ng ang pơ gê ‘năr 24/5 đơ̆ng Anih tơm vei lăng găh tơ drong jang pơ gang tơ băt đei dơ̆ng 58 ‘nu jĭ COVID-19, lơ̆m noh 2 ‘nu mơ̆t đơ̆ng teh đak đe hlôi ăn oei hơ drô̆ hloi; 56 ‘nu uơ oei dơ̆ng đei lơ̆m teh đak tơ̆ 6 dêh char, pơ lei tơm, hơ drô̆ Bắc Giang hlôi 33 ‘nu. 2 ‘nu ăn oei hơ drô̆ hloi đơ̆ng rŏng kơ mơ̆t tơ̆ Hà Nội tă kơ bơ ngai Ấn Độ ngăl, ‘noh 1 ‘nu drŏ kăn 35 sơ năm păng 1 ‘nu mon drŏ kăn 3 sơ năm. Lơ̆m kơ sô̆ 56 ‘nu đei jĭ lơ̆m teh đak, dêh char Bắc Giang đei 33 ‘nu, 8 ‘nu tơ̆ Hà Nội, 7 ‘nu tơ̆ Bắc Ninh, 5 ‘nu tơ̆ Lạng Sơn, 2 ‘nu tơ̆ Điện Biên păng 1 ‘nu tơ̆ Hải Dương. Jô̆ truh 6 jơ pơ gê ‘năr 24/5,  Việt Nam đei akŏm đĭ đăng 3.790 ‘nu đei jĭ lơ̆m teh đak păng 1.485 ‘nu mơ̆t đơ̆ng teh đak đe. Đei 6 dêh char hlôi hloh 14 năr ư̆h kơ đei bơ ngai jĭ ‘nao, ‘noh jĭ Yên Bái, Quảng Ngãi, Đồng Nai, Nghệ An, Quảng Ninh, Quảng Nam. Truh dang ei, teh đak bơ̆n hlôi đei 42 ‘nu lôch yua kơ jĭ Covi-19, 2.721 ‘nu đei hơ met klăih.

Thuem: Tơ blơ̆