VOV4.Bahnar - Tơ\ jăl trong Hồ Tùng Mậu (pơm kle\ch An^h ngôi pơ hiơ\ Xuân Hương), dêh char Lâm Đồng pơ gơ\r Kơ pho# Hla che- Che\h phe – Hơ lăk vang păng dôm tơ mam ‘lơ\ng kơ Đà Lạt. ‘Nâu j^ dôm tơ mam đei ư hơ nhang đei chă rơih tôch hơ len vă ming pơ dă, roi tơ băt tơ mam drăm tơ\ tơ ring.

Dôm an^h te\ch mơ dro vang ako\m Kueng kơ pho# Hla che – Che\h phe – Hơ lăk vang păng Tơ mam ‘lơ\ng kơ Đà Lạt, Lâm Đồng vang roi tơ băt anăn “Đà Lạt – Tơ drong ‘lơ\ng đơ\ng te\h” truh hăm tơ moi chă tơ mang lăng, hăm dôm tơ mam ‘lơ\ng hlo\h tơ\ tơ ring nhen: Hơ lăk vang, hơ lăk Linh chi; che\h phe, mă loi j^ che\h phe Arabica, che\h phe kơ pik; hla che Oolong, Artiso, hla che pơ gang; plei hông sơ\k kro hăm kơ măy Nhật Bản; dôm tơ mam ‘lơ\ng nai kơ Đà Lạt -Lâm Đồng…

Dơ\ng: Tơ blơ\