VOV4.Bahnar - Kiơ̆ kơ Anih vei lăng găh tơ drong jang pơ gang pơ lei tơm Hồ Chí Minh, khei ‘năr âu ki, lơ dêh char, pơ lei tơm athei tơ gŭm kon pơ lei tŏk bŏk arih sa tơ̆ pơ lei tơm Hồ Chí Minh gơh brŏk tơ̆ pơ lei. Vă pơm tơ drong hiôk ăn kon pơ lei brŏk tơ̆ pơ lei sơ đơ̆ng, Anih vei lăng găh tơ drong jang pơ gang pơ jao kơ Anih vei lăng tơ drong jĭ jăn pơ lei tơm Hồ Chí Minh klăih song tơ mam hơ len lăng ăn kơ hnam pơ gang quận, apŭng păng pơ lei tơm  Thủ Đức vă hơ len lăng ăn kon pơ lei đei ‘mĕh vă brŏk tơ̆ pơ lei.

Kon pơ lei tơ̆ pơ lei tơm Hồ Chí Minh gô đei tơ gŭm hơ len lăng vă brŏk tơ̆ pơ lei

Anih vei lăng găh tơ drong jang pơ gang kŭm athei Anih vei lăng kon pơ lei rim dêh char, pơ lei tơm gơ̆ih kơ Anih vei lăng kon pơ lei rim quận apŭng păng pơ lei tơm Thủ Đức hơ năn dôm bơ ngai hơ met ăn brŏk tơ̆ pơ lei vă pơm tơ drong ‘lơ̆ng ăn rim quận, apŭng pơ gơ̆r bơ̆ jang kiơ̆. Anih vei lăng găh tơ drong jang pơ gang pơ lei tơm Hồ Chí Minh kŭm athei Anih vei lăng kon pơ lei rim quận apŭng, pơ lei tơm Thủ Đức jang hơ dai hăm hnam pơ gang quận apŭng pơ gơ̆r hơ len lăng hrĕnh pơ rang SARS-CoV-2 ăn kon pơ lei păng dôm tơ drong tơ gŭm pơ gang nai kiơ̆ tơ drong hơ găt. Hăm dôm bơ ngai đei ƀôh jĭ ‘noh hơ met pơ ‘lơ̆ng kiơ̆ tơ drong hơ găt.

Thuem: Tơ blơ̆