VOV4.Bahnar - Đơ̆ng rŏng 3 năr pơ gơ̆r lơ tơ drong hơ ri hơ xoang, gơ măng hei (11/4), tơ̆ plt Hội An, “Dôm năr jŏh ayŏ kơ dŏ xoang Hàn Quốc tơ̆ Quảng Nam, Hội An 2021” yoa Dơ nŏ anih vei lăng kon pơ lei dêh char Quảng Nam, Anih tang măt ăn Hàn Quốc, Anih jŏh hơ ri hơ xoang Hàn Quốc tơ̆ Việt Nam vang pơ gơ̆r hlôi tôch.

Pơ tôch “Dôm năr jŏh ayŏ kơ dŏ xoang Hàn Quốc tơ̆ Quảng Nam, Hội An 2021

Hăm lơ tơ drong jang tôch hơ iă chă hơ len năng tơ drong joh ayŏ kơ dŏ xoang, chă tơ mang lăng, tơ mam xa Hàn Quốc, tơ drong joh ayŏ pơ jing đei lơ tơ drong ‘lơ̆ng lơ̆m jơ hngâm đon kon pơ lei Hội An păng tơ moi truh tơ mang lăng. Dôm tơ drong joh ayŏ hlôi pơm pơ ‘lơ̆ng hlŏh dơ̆ng tơ drong pơ vei, hơ met kơ jăp tơ drong tơ guăt 1 ƀơ̆r đon, jang hơ doi tŏk pran ‘lơ̆ng đơ̆ng Quảng Nam hăm dôm tơ ring păng anih jang kơ Hàn Quốc.

Tơ drong ‘nâu jing jơ năr vă roi tơ băt, tơ guăt trong chă tơ mang lăng đơ̆ng 2 tĕh đak đơ̆ng rŏng kơ jĭ Covid-19. Truh âu kơnh, tơ dăh găn đei tơ drong jĭ Covid-19, dêh char Quảng Nam vă jang hơ doi hăm dôm anih chă tơ mang lăng apĭnh dôm anih jang kơ pal tơ̆ Trung ương asong pơih trong păr chơ tơ moi chă tơ mang lăng đơ̆ng Hàn Quốc năm tơ̆ Quảng Nam.

Dơ̆ng: Tơ blơ̆