VOV4.Bahnar - Ưh adro# rơgei găh jang mir na, lơ drăkăn Êđê tơ\ rim pơlei pơla tơ\ dêh char Đak Lăk oei pơ ‘nam păng gơh rơgei, tơgop vei răk tơ[ăk mong joh ayo\ kră xơ\ kơ hơdrung hơdre\ch po pơma adro# păng kon pơlei kon kông Tây Nguyên pơma atu\m. Me\ pơtho ăn kơ kon hơ ioh jing minh lơ\m dôm trong vă pơdjoi tanh brai kră xơ\ kơ unh hnam yă H’Dleh Bya (pơlei K62) tơ\ xăh Băng Adrênh, apu\ng Krông Ana, dêh char Đak Lăk.  

Hăm lơ hơdrung hơdre\ch, lơ\m noh đei kon pơlei Êđê, tanh brai ưh adro# pơm tơle\ch tơmam drăm guăng ‘lơ\ng mă oei ‘măn yua rim kơ năr, hơto\k io\k yua ăn unh hnam, mă oei jing tơdrong pơkăp vă xơkơ\t hăm minh ‘nu drăkăn pơ ‘nam. Yuơ noh mă unh hnam yă H’Dleh Byă hlôi răk vei tơdrong jang tanh brai hăm trong pơdjoi ăn kon hơ ioh, đơ\ng kon drăkăn truh tơ\ kon mai. Yă H’Dleh tơroi, yă băt tanh brai đơ\ng oei ‘la#p yuơ me\ pơtho ăn, dang ei yă H’Dleh pơtho ăn kơ kon xâu hăm tơdrong ‘meh vei răk tơ[ăk mong tơdrong jang juăt jue kơ kon pơlei po kơdih.

 Mă xơnăm hlôi ‘lo\ ưh ke\ jang lơ tơdrong trăp, mă lei yă H’Dleh duh oei pơ ‘nam chă tanh brai, gơnơm noh mă yă duh oei juaih kloh kle\ch hăm tơdrong tanh x^t pơro\ che tanh keh đang lơ\m minh gie\ng.

Adrol ki, che tanh đei mă lơ noh ‘măn yua lơ\m unh hnam, ‘măn ăn tơdrong joh ayo\, nhen x^t hơbăn ao hru\k, x^t khăn pu\ hơ ioh dăh mă x^t kơdu\ng, mă lei dang ei, hlak che tanh đei lơ bơngai lăp păng pơkăp răt noh tơgu\m ăn kơ yă đei io\k yua [iơ\, hơmet hơto\k tơdrong pơyua ăn unh hnam, atu\m hăm noh trong tơ iung hăm tơdrong lăp kơ đe kon xâu pơdjoi tơdrong jang juăt jue.

Yuơ noh, lơ\m bơbu\ng hnam mă lơ chăl erih xa kơ unh hnam yă H’Dleh to\k bo\k erih jang xa, kon drăkăn, kon mai adoi đei yă pơtho ăn tanh brai. Ăh pơtơm, đe xư dơ\ng lăng păng tơgu\m me\ cho# brai, truh ăh băt tôm kih thuơ\t tanh noh đe xư pơtơm tơ oei ăh không tanh păng pơtơm tanh dôm tơdrong [ônh hloh.

 Me\ pơtho ăn kơ kon pơdjoi, yă H’Dleh hơpơi tơdrong jang tanh brai gô đei răk vei nhen minh mu\k tơmam kăp g^t  kơ kon pơlei Êđê pơma atu\m păng unh hnam yă pơma adro#. Lơ\m dôm năr ako\m, yuơ xăh, apu\ng pơgơ\r, yă H’Dleh adoi vang ako\m tanh brai păng đei io\k jơnei, noh jing minh trong mă yă pơtho ăn kon xâu đon lăp păng ho\k tanh brai.

Tơdrong mă pơjing kơjă kăp g^t găh tanh brai kơ bơngai  Êđê noh ăh anih pơro\ lơ\m che tanh, bơngai tanh jo# djoi brai tôch hơlen păng lu\k lơ\k kơmâu brai tanh vă pơjing lơ che tanh guăng ‘lơ\ng. Um dok lơ\m che tanh hơnơ\ng đe dok um hla ‘long, kon char kơmar. Dôm kih thuơ\t dok che tanh âu noh hrat, hiong lơ năr, ưh kơx^ minh năr, [ar năr mă tanh đei, yuơ noh yă H’Dleh pơtho ăn đe kon kiơ\ trong pơtho đunh hram tôm, minh năr pơtho to\ xe\t tơdrong.

Pơmai H’Dam Niê (kon mai yă H’Dleh) ăn tơbăt, adrol ki tam mă pơm mai đe noh xư tam mă băt chă tanh brai, dang ei gơnơm đei tơnei pơtho ăn mă pơmai gơh chă tanh bơih. Kiơ\ nơ\r me\ tơroi, pơmai băt adrol ki mă lơ unh hnam kơdih pơtăm kơpaih, dui brai vai khăn, ‘mêm tơpă kơlih dang ei khul mơlôh pă đei pơm jang tơdrong thoi âu kơyuơ tơdrong jang pơtăm kơpaih, dui brai nhen le\ pă đei oei, brai kơpaih hlôi đei dui hăm kơmăi kơmo\k vă hăp [ônh tanh hloh, kơjă adoi lăp mơ\n, ưh đei huach lơ khei năr, bơngai tanh duh da [iơ\ kơ hrat.

Oei pơmai H’Lai Byă (kon drăkăn yă H’Dleh) tơroi, um ru\p me\ tơ oei ăh không tanh juăt jue, nhen minh tơdrong hơlêm đon bơnôh ưh gơh khăi. Đơ\ng tơpang ti păng tơdrong pơ ‘nam kơ bơngai drăkăn hlôi pơjing đei tơmam tanh dok pơro\ hăm lơ pơn^k guăng ‘lơ\ng. [enh kơ um ai joh ayo\, tơbang đei hnưr erih hơto\k tơ iung kơ kon pơlei Êđê pơm ăn pơmai roi tơguăt hloh hăm tơdrong jang âu. Dang ei, pơmai hơnơ\ng pơgenh tanh brai ăh kơxơ\ măng dăh mă ăh jơ rơvơn vă vei răk tơdrong jang păng chă thêm jên yua.

Tơdrong tơroi kơ unh hnam yă H’Dleh Byă roi xơkơ\t tơdrong vei răk tơ[ăk mong kơjă kăp g^t găh tơdrong jang tanh brai kiơ\ lơ chăl erih kăp g^t păng g^t kăl. Hăm gô tơgop vei răk tơ[ăk mong tơdrong jang tanh brai pơma adro# păng joh ayo\ juăt jue kơ kon pơlei Êđê pơma atu\m hăm tơdrong roi năr tơdrong jang âu roi hiơt hiong.

Lan chih păng rapor