VOV4.Bahnar  – Anih tơm Y tê̆ ăn tơbăt, truh 6 jơ pơgê năr 13/8, Việt Nam hlôi hơmet klaih ăn 89.145 'nu bơngai ƀơm jĭ COVID-19. Kiơ̆ kơtơ̆ng ang găh pơrang jĭ 'nao hloh đơ̆ng Anih tơm Y tê̆, jô̆ truh dang ei, Việt Nam đei 246.568 'nu ƀơm jĭ COVID-19, lơ̆m noh đei 2.395 'nu mơ̆t đơ̆ng teh đak nai păng 244.173 'nu ƀơm jĭ lơ̆m teh đak. Kơsô̆ bơngai ƀơm jĭ 'nao lơ̆m teh đak jô̆ đơ̆ng pơrang jĭ hơbuh ăh năr  27/4 truh dang ei noh 242.603 'nu, lơ̆m noh đei 86.371 bơngai jĭ hlôi đei hơmet klaih. Đei 4/62 dêh char, plei tơm hlôi hloh 14 năr ưh đei bơngai ƀơm jĭ 'nao noh Quảng Ninh, Bắc Kạn, Tuyên Quang păng Lai Châu. Đei 8 dêh char, plei tơm ưh đei bơngai hơbuh jĭ lơ̆m tơring lơ̆m 14 năr kơ âu noh Lào Cai, Kon Tum, Hà Giang, Quảng Trị, Yên Bái, Thái Bình, Bắc Giang, Hải Phòng.  Găh tơdrong hơmet jĭ ăn bơngai ƀơm jĭ COVID-19, kơsô̆ bơngai jĭ đei hơmet klaih tơ̆ teh đak bơ̆n truh dang ei noh 89.145 'nu. Kơsô̆ bơngai jĭ hlăm tŏk bŏk oei đei hơmet  ICU noh 499 'nu. Bơngai lôch noh 4.813 'nu.

Lan chih păng pơre nơ̆r