VOV4.Bahnar - Gơmăng năr 17/12, tơ̆ Hnam bơ̆ jang rapor Tĕh đak (58 Quán Sứ, Hà Nội), Radiô Nơ̆r Pơma Việt Nam (VOV) pơgơ̆r Gơmăng jŏh hơri rim ƀai hơri hiôk hlŏh đei mơ̆t pơlong tuch luch lơ̆m ‘Măng pơlong chĭh pơchĕh tơdrong hơri “Hơri bĕ Việt Nam-Let’s sing Vietnam”. ‘Nau jing ‘măng hơvơn pơchĕh tơdrong hơri jơ̆p jang ‘măn ăn rim bơngai joăt jang pơchĕh tơdrong hơri păng bơngai ư̆h kơ joăt jang lơm tĕh đak, bơngai Việt Nam oei tơ̆ tĕh đak đe. Lơ̆m gơmăng pơgơ̆r jŏh hơri, 12 tơdrong hơri đei chă jŏh hơri ‘nŏh dôm tơdrong hơri tôch kơ hiôk, đei rơ̆ih iŏk đơ̆ng 45 tơdrong hơri đei mơ̆t lơ̆m ‘măng pơlong tuch luch, ƀai hơri hơ iă pơm ăn bơngai mơ̆ng păng Khŭl hơri hôn bơnê. Lơ̆m 8 jơ gơmăng au, năr 18/12, Pơm lêh pôk ăn tơmam hơpăh ‘Măng pơlong chĭh pơchĕh tơdrong hơri “Hơri bĕ Việt Nam - Let's sing Viet Nam" gô pơgơ̆r tơ̆ Hnam Jŏh hơri kơ Radiô Nơ̆r Pơma Việt Nam (58 Quán Sứ, Hà Nội). Tơdrong pơgơ̆r au gô đei pơdăh kơtă kiơ̆ trong hơ yŭh VOVTV, VTC1; rapor kơ tă lơ̆m trong hơyŭh VOV1, VOV3; pơdăh trư̆k tuyên trong hơyŭh VOV.VN, VTC Now, VTC News păng rim hơnĭh jang kơ Radiô Nơ̆r Pơma Việt Nam.

Tơblơ̆ nơ̆r: Amazưt