VOV4.Bahnar - Đơ̆ng rŏng 3 giĕng bơ̆ jang, jô̆ đơ̆ng kơsơ̆ năr 30/7, Hnam pơgang pơm pơgia kơsô̆ 3 pơlei tơm Hồ Chí Minh (Hơnĭh oei ‘nao Bình Khánh găh phương An Khánh, Pơlei tơm Thủ Đức) hlôi pơgơ̆r ăn 1.800 ‘nu bơngai jĭ brŏk kơ yuơ hơmet klăih jĭ Covid-19. Ƀak si chuyên khoa 2 Lý Quốc Công, Kơdră chĕp pơgơ̆r Hơnĭh Khăm hơmet jĭ kơ Hnam pơgang pơm pơgia kơsô̆ 3 tơbăt, dang ei hnam pơgang đei 20 ‘nu bơngai jĭ ăl,măh ăn dui jơhngơ̆m hăm oxy. Rim ƀok thây pơgang tŏk bŏk hơdrin ming hơmet ăn bơngai jĭ, mư̆h jĭ ăl gô chơ ba ăn hnam pơgang kơpal dơ̆ng. Đĭ đăng trong khăm hơlen, trong ming hơmet đei pơm kiơ̆ tơdrong tơchơ̆t đơ̆ng Dơnŏ anĭh tơm vei lăng jang pơgang. Tơ̆ pơlei tơm Hồ Chí Minh, mĭnh năr đei rơbau ‘nu bơngai jĭ đei brŏk đơ̆ng hnam pơgang. Kiơ̆ đơ̆ng Hơnĭh tơm Dăr lăng hơlen pơrang jĭ pơlei tơm Hồ Chí Minh, lơ̆m năr 29/7, đei dơ̆ng 3.131 ‘nu bơngai jĭ hơmet klăih ăn brŏk, atŏk măt bơngai jĭ đei hơmet klăih jô̆ đơ̆ng đei jĭ hơbŭh ‘nŏh 28.320 ‘nu.

Tơblơ̆ nơ̆r: Amazưt