VOV4.Bahnar  – Pơgê năr 27/12, tơ̆ Hà Nội pơgơ̆r tơdrong pơma đam khoa hŏk apŭng plenh teh kiơ̆ pơkăp trư̆k tuyê̆n hăm hơnăn: “Xơnong dơnơm kơ joh ayŏ, kon bơngai hăm tơdrong jang tơplih 'nao păng hơtŏk tơ iung tơ̆ Việt Nam păng Lào”.

Tơ̆ jơ pơma đam, dôm bơngai tang măt pơma găh dôm tơdrong pơm hơdăh xơnong dơnơm kơ joh ayŏ, kon bơngai hăm tơdrong tơplih 'nao păng hơtŏk tơ iung mŭk drăm tơ̆ Việt Nam păng Lào lơ̆m dôm jĭt xơnăm kơ âu; Joh ayŏ lơ̆m pơ 'lơ̆ng đon bơnôh, trong erih xa kơ kon bơngai, mă hăt noh hăm khul mơlôh; Joh ayŏ lơ̆m pơjing bơngai jang rơgei trŏ hăm tơdrong kăl tơplih jang 'nao, gơh rơgei. Xơnong dơnơm kơ joh ayŏ, kon bơngai lơ̆m vei lăng xơđơ̆ng teh đak, vei lăng tơpôl; tang găn păng tơpuh tơdrong xa pơjĭp, huach kư̆ kă, pơm kơnê̆; ưh kơ chiu hăm dôm tơdrong pơm glăi, tơgop vei lăng đon pơkăp đơ̆ng Đảng păng trong jang xăh hô̆i chuh nghĩa lơ̆m khei năr dang ei.

Lan chih păng pơre nơ̆r