VOV4.Bahnar  – Kơmăng năr 16/4, tơ̆ Pơlei Joh ayŏ Tơmang pơhiơ̆ Hơdrung Kon kông  Việt Nam (Đồng Mô, Sơn Tây, Hà Nội), Anih tơm Joh ayŏ, Tơplŏng kơdâu păng Tơmang pơhiơ̆ jang atŭm hăm minh ƀar Anih jang tơm tơ̆ Trung ương păng tơring hlôi pơgơ̆r Tơdrong Pơtơm ‘Năr joh ayŏ kon kông Việt Nam xơnăm 2021.

Tơdrong akŏm pơdăh joh hri xơng kơ kuh kơ ‘Năr Joh ayŏ kon kông Việt Nam xơnăm 2021 đei 4 apăng: “Tơchă tơm a hla chă, Ang moi pơchră, Hơpơi đei, Atŭm minh hnam”  đei akŏm kiơ̆ tơdrong pơdăh hri hơxuang, pơdreh tơdra vă tơ iung đon băt kơ teh đak, pơ ư pơ ang kơ hơdrung hơdrĕch, vei răk tơƀăk mong um ai joh ayŏ lơ̆m tơpôl 54 hơdrung bơngai. Tơdrong akŏm đei pơjing kơjăp ‘lơ̆ng tơpă hlôi pôk pơ ư kơ ‘năr juăt jue joh ayŏ kon kông păng tơbang tơdrong tơnăp xơnong jang đơ̆ng tôm kon pơlei hăm tơdrong vei răk tơƀăk mong joh ayŏ juăt jue kră xơ̆; pơm trong ăn tơdrong pơjing tơguăt tơguăl tôm kon pơlei păng hơtŏk todrong joh ayŏ Việt Nam gơh rơgei, ƀenh kơ um ai joh ayŏ kon kông.

Lan chih păng pơre nơ̆r