VOV4.Bahnar - Dêh char Dak Lak dang ei đei je# minh triu minh puơ\t 'nu bơngai răt bảo hiểm y tế, đei 81,5% kơxo# măt kon pơlei, mă lơ noh lơ\m pơkăp axong theh ưh huach jên. Kơxo# bơngai kơdih răt bảo hiểm oei kơđeh noh ưh đei hiôk lơ\m tơdrong khăm hơmet j^, mă hăt noh mưh j^ hlăm, j^ đunh năr. Anih jang kơpal kơ dêh char Dak Lak oei dru\t kơtang tơdrong jang tơroi tơbăt, tơgu\m kon pơlei băt hơdăh dôm tơdrong pơyua mă theh bảo hiểm y tế hơ 'nhăk ăn.  

Yuơ xơnăm 'lo\, jơhngơ\m jăn ưh grăng, kon hơ ioh oei tơ\ ataih noh [ok Eê H Nhăn (bơngai Ê Đê) tơ\ pơlei Chuôr Dăng A, xăh Chuôr Đăng, apu\ng Chư M’gar hlôi kơdih răt theh bảo hiểm y tế hmo\ chă j^ pơlo\ tro\ tơngie\t. Xơnăm xơ\, [ok năm păh hơmet j^ bo\ng ako tơ\ Hnam pơgang tơm dêh char  Dak Lak, gơnơm đei theh bảo hiểm y tế noh đei tơgu\m hloh 80% jên hơmet j^: “Khei năr noh inh răt đang noh năm păh hơmet j^ bo\ng ako tơ\ hnam pơgang dêh char, lơ\m tơdrong hơmet noh jên [^ch hnam pơgang to\ xe\t mă lei hnam pơgang duh vei hơmet tơnăp, inh [ôh theh bảo hiểm y tế pơyua tơpă mơ\n. 'Nao âu, theh inh đ^ khei năr yua mă lei tam mă tom răt, truh âu kơnh noh duh pơtoi răt dơ\ng, kơlih đei bảo hiểm duh da [iơ\ kơ jên huach, oei ưh noh jên hơmet j^ adoi huach lơ dêh hnang”.

          Mă lei, ưh x^ unh hnam yơ duh băt tôm tơdrong răt bảo hiểm y tế kơdih nhen [ok Eê H Nhăn. Klo hơkăn pơmai Janh Niê (bơngai Ê Đê) oei tơ\ pơlei [ok Eê H Nhăn mơ\n,  mă jing bơngai jang tơm lơ\m unh hnam mă lei ưh răt bảo hiểm y tế. Pơmai H Janh Niê akhan, mu\k drăm ưh đei rơkăh, jơhngơ\m jăn oei pran noh ưh gan đei khăm hơmet j^ ôh, noh rim xơnăm axong hloh 1 triu hlak jên răt bảo hiểm y tế jing tơdrong ưh kăl. Mă lei truh ăh kăl, noh pơmai pơtơm [ôh tơdrong pơyua: “Adrol âu ki, pơhlom ăh xơnăm 2006, unh hnam inh duh răt bảo hiểm y tế, mă lei ưh đei yua truh, j^ pơlo\ duh năm khăm tơ\ 'nguaih đe\ch hiôk hloh, noh ưh đei răt bơih. Mă lei âu ki, inh pơngơ\t kơ đon kơlih ưh răt bảo hiểm y tế, [ơ\t inh oei hơnăp kon hơdruch, yuơ pơhơi noh ưh răt bảo hiểm. Truh ăh rơneh noh tơnap, athei năm truh hnam pơgang ka#p kư\u. Mưh đei bảo hiểm klă jên noh ưh đei huach dôm yơ, mă lei yuơ ưh đei theh bảo hiểm noh unh hnam inh huach truh 11 triu hlak jên hloi"

          Xăh Chuôr Dăng, apu\ng Chư\ Mgar dang ei đei je# 11 rơbâu kon pơlei, lơ\m noh đei pơhlom 46% kon pơlei răt theh bảo hiểm y tế. Kơxo# mă âu oei kơđeh, hơto\ hăm tong ane# pơtêng hăm pơkăp atu\m kơ dêh char. Vă hơto\k kơxo# kon pơlei vang răt bảo hiểm y tế, Anih jang pơgang xăh Chuôr Dăng hăt hot hơvơn tơroi ăn kon pơlei hlôh vao păng băt hơdăh dôm tơdrong pơyua lơ\m tơpôl lơ\m tơdrong răt bảo hiểm y tế pơyua ăn. Yă H Dĩ Niê Kđăm, Pho\ kơdră anih jang y tế xăh Chuôr Dăng, apu\ng Chư\ Mgar ăn tơbăt, rim bơngai jang tơ\ Anih jang yte# hơnơ\ng jang atu\m hăm dôm tơdrong tơroi tơbăt vă hơto\k hlôh vao ăn kon pơlei hăm tơdrong pơyua [ơ\t yua theh bảo hiểm y tế lơ\m khăm hơmet j^:“Lơ\m 'măng bơngai me\ năm khăm, pơtih kon hơ ioh đe xư đei theh bảo hiểm mă lei ưh đei 'nhăk atu\m noh duh tơroi ăn đe ye\t băt găh tơdrong kăl đơ\ng bảo hiểm y tế pơyua thoi yơ ăn kơdih po, kơlih dang ei rim hnam pơgang jên khăm hơlen, pơgang hơmet j^ kăp dêh hnang”

          Yă Nguyễn Thị Xuân, Pho\ kơdră Anih jang Bảo hiểm xã hội tỉnh Dak Lak ăn tơbăt, ja#p dêh char đei je# 1 triu 500 rơbâu 'nu bơngai răt bảo hiểm y tế, đei  81,5% kơxo# măt bơngai. Lơ\m noh, đei hloh 1 triu 'nu bơngai đei axong ăn theh ưh huach jên, oei lơ noh đe kră hơnơ\ng j^ jăn păng bơngai đei tơdrong j^ đunh khei năr. 

            Mă kơxo# bơngai răt bảo hiểm y tế hơto\k kiơ\ xơnăm mă lei duh oei adar, mă kăl noh hăm dôm bơngai kơdih chă răt nhen ho\k tro, sinh viên păng unh hnam kon pơlei, tơdrong hơto\k âu ưh đei tơpă kơjăp.

            Truh âu kơnh, atu\m hăm tơdrong hơto\k pơ 'lơ\ng kơjă khăm hơmet j^ gô đei hơmet hơto\k atu\m ăn tôm khul bơngai. Yuơ noh, mưh ưh răt  bảo hiểm y tế kon pơlei gô tơjra#m tơnap tap găh jên hơmet j^ mưh ưh pu\n chă j^ pơlo\ tro\ tơngie\t. Yă Nguyễn Thị Xuân tơblang: “Lơ\m khei năr truh noh tơdrong khăm hơmet j^ to\k kăp păng gô hơmet tôm ăn rim khul bơngai, ưh đei tơklăh hăm bơngai đei bảo hiểm y tế păng ưh đei bảo hiểm y tế. Thoi noh, dôm bơngai đei theh bảo hiểm y tế gô đei jên mong găh bảo hiểm y tế klă ăn, oei dôm bơngai ưh đei theh bảo hiểm y tế athei kơdih klă jên. Thoi noh, mưh đe xư băt truh noh đe gô răt bảo hiểm y tế. Păng tơdrong mă vă kon pơlei băt truh tơdrong pơkăp găh bảo hiểm y tế đei dôm tơdrong pơyua thoi yơ lơ\m tơpôl, păng jing tơdrong tơgu\m ăn rim bơngai j^ pơlo\ noh inh kơche\ng tơdrong jang tơroi tơbăt jing kăp g^t hloh"

          Hăm tơdrong pơtho hơvơn, kon pơlei tơ\ Dak Lak băt tôm tong hloh găh tơchơ\t păng pơyua [ơ\t vang răt bảo hiểm y tế. 'Nâu duh jing tơdrong jang kăl vă tơgu\m kon pơlei kơdih chă răt yua bảo hiểm vă vei xơđơ\ng ăn xơnong pơyua po ăn kon pơlei mă kơjă tơmam y te# oei to\k kăp.

Lan chih păng rapor