VOV4.Bahnar - Tơ\ plei tơm Buôn Ma Thuột, dêh char Đăk Lăk, Anih hơlen pơrang j^ Tây Nguyên ‘nao pơgơ\r Hop ako\m găh tơdrong jang y te# yư\ phong 6 khei blu\ng xơnăm 2020 păng Pơma đam tơle\ch [et pơgang vaccine bơ\ng j^ đuh dăng hơlo\ng tơring Tây Nguyên. Dôm trong jang kơtang vă tang găn păng tơjră j^ đuh dăng hơlo\ng tơ\ tơring Tây Nguyên hlôi đei tơbang lơ\m hop ako\m âu

6 khei kơ âu, lơ\m kơso# 31 tơdrong j^ tơpoh to\k bo\k oei hơbuh tơ\ ja#p tơring Tây Nguyên đei 29 tơdrong j^ hlôi tơjur. 2 tơdrong j^ tơpoh to\k krưp pơtêng hăm khei năr j^ vơnh păng j^ đuh dăng hơlo\ng hơbuh. Tơre\k hloh noh j^ đuh dăng hơlo\ng, dang ei, ja#p tơring hlôi [ôh đei 104 ‘nu [ơm j^ đuh dăng hơlo\ng. J^ đuh dăng hơlo\ng hơbuh tơ\ 32 xăh, phương tơ\ 4 dêh char Đăk Nông, Kon Tum, Gia Lai păng Đăk Lăk. 

Kiơ\ kơ [ok Viên Chinh Chiến, Kơdră dơnơm Anih jang hơlen pơrang j^ Tây Nguyên: lơ\m khei năr truh, Tây Nguyên gô tơle\ch [et pơgang vaccine tang găn j^ đuh dăng hơlo\ng ăn tôm bơngai đơ\ng 2 khei to\k tơ\ kơpal tơ\ 4 dêh char Đăk Lăk, Gia Lai, Kon Tum, păng Đăk Nông, hăm tơchơ\t [et vaccine đei jơnei kơpal 90%. Vă tơdrong [et pơgang bơ\ng j^ đei jơnei keh kong, atu\m hăm tơdrong adrin đơ\ng anih jang y te#, kăl đei tơdrong vang jang đơ\ng tôm anih jang ch^nh tr^: “Dôm bơngai [ơm j^ tơ\ tơring pơxe\l ưh đei [et pơgang bơ\ng j^ jing dôm tơring mă đe ưh đei tơnăp hăm chă [et pơgang vaccine. Athei pơtru\t, pơm thoi yơ vă đe vao [et pơgang vă bơ\ng j^ ăn kơdih po, ăn unh hnam noh tơdrong mă đei hơdăh, tơdrong mă noh adro# anih jang y te# đe\ch jang noh ke\ ôh. Hăm athei đei tơdrong vang jang đơ\ng jơnu\m pơgơ\r tơring, dôm jơnu\m jang tơpôl, đe kră pơlei, kơdră kơ rim pơlei pơla”

{ok Đỗ Xuân Tuyên, Thư\ trưởng Anih tơm y te# bơnê kơ tơdrong jang tang găn păng tơjră j^ tơpoh lơ\m 6 khei blu\ng xơnăm tơ\ dôm dêh char Tây Nguyên. {ok Đỗ Xuân Tuyên akhan, tơdrong tơpoh pơrang j^ duh oei hli hlơt lơ\m ja#p tơring Tây Nguyên păng gô lang xă lai yơ ưh kơ băt mưh ưh đei trong pơgăn tơtom: “Athei tơroi tơbăt vă hơto\k băt vao ăn kon pơlei tơplih trong oei xa,, băt hơdăh [et pơgang bơ\ng j^ noh kăl hloh. Tơle\ch [et pơgang bơ\ng j^, mă kăl noh [et pơgang tang găn j^ đuh dăng hơlo\ng tơ\ dôm dêh char Tây Nguyên.  Anih jang Y te# jang atu\m hăm rim anih jang kơpal jang tơnăp tơdrong tơroi vei rơgoh cham char mă kăl noh rơgoh hơkâu jăn, hnam oei, [ơ\t le\ch tơ\ trong cho# che gom [o\, ôp ti păng pruih pơgang brai pơnhu\l.”

Vă tơjră hăm tơdrong hli hlơt đơ\ng tơdrong j^ đuh dăng hơlo\ng, anih jang Y te# dôm dêh char Tây Nguyên hlôi tenh kuăng tơle\ch trong tang găn păng tơjră j^ tơpoh lang xă; atu\m hăm noh tom băt tơdrong pơkăp hơmet, tơguăt hăm tơdrong hơlen hăm hnam pơgang tơm vă vei xơđơ\ng ăn hơmet j^ gơh x^t hloh, tang găn đei tơdrong lôch răm. Mă lei, truh khei năr âu, dôm dêh char tơring Tây Nguyên duh oei tơjra#m tơnap taplơ\m tơdrong tang găn păng hơmet j^ đuh dăng hơlo\ng nhen: tam mă đei trong jang hơdăh lơ\m răt pơgang khang sinh ‘măn hmo\; tơdrong ưh kơ măh pham kok vă tơjră hăm pơnhu\l j^ đuh dăng hơlo\ng pơjing đei lơ tơdrong tơnap tap lơ\m chă hơmet j^, mă kăl noh hăm dôm bơngai [ơm j^ hlăm, pơjing truh tơdrong j^ plei nuih; jên axong jang ưh đei lơ vă vei xơđơ\ng ăn bơngai j^ duh nhen unh hnam lơ\m tơdrong pơm kiơ\ khei năr pơkăp tơklăh oei pha...

Thư\ trưởng Anih tơm Y te# Nguyễn Trường Sơn lơ\m ‘măng năm bơ\ jang hăm dôm dêh char Tây Nguyên pơkăl dôm dêh char kăl hơto\k xơnong jang kơ dôm anih hơmet j^ tơ\ tơring, mă hăt noh anih jang y te# apu\ng. Găh pơgang khang sinh, Thư\ trưởng pơkăl Anih tơm vei lăng tơdrong khăm hơmet j^ pơgơ\r rim anih jang găh pơgang lơ\m ja#p teh đak pơm tơle\ch pơgang khang sinh vă ‘măn ăn tơdrong jang tang găn j^ đuh dăng hơlo\ng: “Trong pơkăp hăm tang găn păng tơjră j^ tơ\ teh đak bơ\n noh 4 minh anih, dang tơdrong mă blu\ng noh găh jang y te#, đơ\ng ro\ng noh hnam pơgang xăh noh hnam pơgang apu\ng. Hnam pơgang apu\ng jing anih hlôi đei hơmet tôm tơmam drăm vă hơlen, hơmet j^ jăn. Noh tơdrong yua hnam pơgang apu\ng vă pơm anih hơmet ăn bơngai j^ noh tro\ [lep hloh hăm bơngai j^ da [iơ\. Hăm bơngai j^ hlăm, noh athei pơtruh kơtă hăm dôm hnam pơgang tơm jo# hloi hnam pơgang trung ương vă đei io\k tơgu\m tơtom. Găh pơgang SAD, lơ\m khei năr Anih tơm Y te# gô tơre\k hăm dôm anih axong vă nhôn chă axong hiôk hian hăm pơgang SAD tôm măh, kăl ăn dôm anih jang y te# Tây Nguyên”

Lan chih păng rapor