VOV4.Bahnar - Têt [a 'nao jing tơdrong et xa kăp g^t păng et xa tih hloh lơ\m xơnăm kơ bơngai Xơ Đăng tơ\ apu\ng Đăk Tô, dêh char Kon Tum. Tơdrong et xa đei pơgơ\r hăm lơ khôi graxia vă xoi tơbeh kơ yang hơpang păng dôm tơdrong hri hơxuang pơm ăn 'năr Têt jing kăp g^t găh joh ayo\ đon lui păng tơguăt hăm tơpôl pơlei pơla.

Đơ\ng ro\ng kơ kăt yua đang pơyan jang, bơngai Xơ Đăng tơ\ xăh Đăk Trăm (apu\ng Đăk Tô) pơgơ\r et xo\ng [a 'nao. Duh nhen Têt Nguyên đán, âu jing Têt juăt jue kăp g^t hloh kơ bơngai Xơ Đăng tơ\ Đăk Trăm pơma adro#, tơ\ apu\ng Đăk Tô pơma atu\m. Kiơ\ kơ khôi kră xơ\ kơ rim pơlei pơla mă et xa đei pơgơ\r tih dăh mă ie\ păng pơgơ\r kiơ\ trong phara băl.

Ăh [a pơtơm đum, kră pơlei drơ\ng nơ\r io\k 'năr 'lơ\ng vă hơmet pơgơ\r et xo\ng [a 'nao. Rim unh hnam kơdih chă hơmet hnam oei, tơmam yua lơ\m unh hnam vă xơng yang hri đơ\ng mir vih tơ\ hnam, vih tơ\ pơlei. Đơ\ng ro\ng kơ noh, rim unh hnam truh tơ\ mir po kơdih, io\k 'long pơle hơdrih vă pơm gru anih broch [a păng xoi tơbeh kiơ\ khôi kră xơ\ adrol kơ broch [a. Đơ\ng ro\ng kơ broch [a đang, đe xư 'nhăk [a vih 'măn lơ\m xum, rim unh hnam 'nhăk minh hơkă [a tih vih tơ\ hnam vă pơgơ\r et xo\ng [a 'nao. Têt [a 'nao kơ bơngai Xơ Đăng, hơnơ\ng đei axong 2 jăl, jăl mă mônh noh xo\ng [a 'nao tơ\ rim unh hnam păng jăl mă [ar noh et hơ iă xo\ng [a 'nao tơ\ rông.

Ăh pơgê hrôih tơ\ pơlei Đăk Rô Gia, đơ\ng ro\ng kơ đe dro\nglo pran jăng bơ\ 'long gơ\ng đang tơ\ rông, tôm đe dro\nglo, tơdăm đơ\ng ie\ khe\ kră gô ako\m jing khul năm truh rim hnam xo\ng [a 'nao, thơ thâu ăn tơm hnam minh xơnăm 'nao jang xa đei yua lơ. Kiơ\ khôi kră xơ\, ăh măt bơngai oei to\ xe\t, khul bơngai gô athei năm truh rim hnam lơ\m pơlei et xa ưh đei le# hnam mă yơ ôh. Mă lei, pơlei kơdra#m xă noh tơdrong pơgơ\r et xa têt adoi tơplih mơ\n.

Kră pơlei A Hiền ăn tơbăt: “Pơlei đei 206 unh hnam, mưh kiơ\ pơkăp, đ^ pơlei pơla năm apong păng et xa tơ\ 206 bơbu\ng hnam. Thoi noh gô gleh lap, pơrăm truh jơhngơ\m jăn, noh pơlei tơchơ\t axong lơ khul vă chă yơ yak mă bot”.

Ăh 'năr dơ\ng, đơ\ng ro\ng kơ xo\ng por 'nao tơ\ rim unh hnam, kră pơlei A Hiền ako\m đe tơm hnam vă tơroi găh tơdrong “Et xo\ng [a 'nao” kơ pơlei. Đơ\ng ro\ng kơ rim unh hnam kon pơlei pu\ xik tơm păng tơmam et xa truh ako\m xơng Têt tơ\ rông, kră pơlei pơdreh hơgơ\r tơroi hơvơn kon pơlei truh et xa.

Kră pơlei A Hiền hru\k hơbăn ao tanh kră xơ\, đo\k nơ\r xơkat: “Ơ yang glung, yang krong ne\ ăn đak hrơ\ đak och, ne\ pơm ăn đak bluh hơbông la#p đ^ tơm 'long. Ơ yang hri ne\ ăn xem, kơne hơdrông pơrăm mir [a. 'Năr âu pơhngol yang hri vih hăm pơlei pơla, apinh yang hri ăn kơ nhôn minh xơnăm 'nao pơyan jang xa đei yua lơ, ưh đei pơngot rơve\t, ưh đei kơ[ah [a xo\ng. Apinh pơhngol yang hri dăh oei atu\m hăm nhôn, ăn kơ nhôn gơh ph^ tơto\ dơno\ 'lơ\ng…”

Nơ\r xơkat pơtôch, jơva ch^ng chêng duh pơtơm pơdreh ang bang. Kră pơlei A Hiền che\p kơ\l khul pơdreh ch^ng chêng đơ\ng ro\ng kơ pơdreh [a chêng xơng hơ iă tăp dăr gơ\ng, kră pơlei pơtoi chơng khul pơdreh ch^ng chêng pơdăh tăp dăr rông vă tơbang đon bơnôh hmach bơnê kơ yang hơpang păng tơdrong et xa Têt [a 'nao kơ pơlei pơla hơnơ\ng thoi noh pơdui truh kơmăng.

Lan chih păng rapor