VOV4.Bahnar - Kiơ\ kơ so# ch^h jo# đơ\ng An^h vei lăng j^ jăn Dak Lak, đơ\ng blu\ng sơ năm 2020 tru\h dang ei, lơ\m de#h char hlôi đei 3 ‘nu lôch yua đơ\ng j^ vơnh. Đ^ đăng dôm bơ ngai âu tă kơ yua đơ\ng ko\ kăp păng ư\h kơ đei [et pơ gang vaccine tang găn j^ hloi đơ\ng ro\ng kơ ‘no\h. ‘Nâu j^ tơ drong kăl tơ roi tru\h yua kơ Dak lak to\k bo\k vă mơ\t lơ\m pơ yan to\ hu\l hang, khei ‘năr j^ vơnh [ônh kơ đei [o#h hlo\h lơ\m sơ năm. Yua thoi no\h kon pơ lei kăl kơ chăng bơ\ jang kiơ\ tơ păt dôm trong jang tang găn tơ drong j^ ‘nâu.

J^ vơnh yua đơ\ng virus vơnh pơm ăn. J^ tơ po\h tơ\ bơ ngai đơ\ng đak hai kon tơ rong kăp dăh mă lyăih tơ\ an^h rơ ka. Vă đ^ đăng dôm bơ ngai đei j^ vơnh ‘no\h yua đơ\ng ko\, meo kăp, 1,2 ‘nu yua đơ\ng hơ mye\t, đo\k, kơ đe…kăp.

Đơ\ng ro\ng mơ\t lơ\m hơ kâu bơ ngai, virus vơnh gô rơ r^ đơ\ng hơ la hơ kar dăh mă se\ch mơ\t lơ\m dôm trong hoan, tru\h tơ\ tơ ‘ngăl păng ‘ngok. Khei ‘năr đei j^ đơ\ng 2,3 năr tru\h 2,3 khei păng [ơ\t lăp tru\h 1 sơ năm. Bơ ngai đei j^ vơnh đa đei dôm tơ drong j^ nhen: J^ dăh mă đơ đik tơ\ an^h kăp, kach, yu\h, rơ mơ\n, j^ kơ\l pơ dui đunh đơ\ng 2-4 năr. Hli kơ đak, ‘năr hơ dăh păng hli kơ hrơ\ng, đa hli tăr văr, ư\h kơ hiôk lơ\m hơ kâu…

Dang ei j^ vơnh tam mă đei pơ gang hơ met klăih. Mư\h hlôi đei j^, bơ ngai j^ gô lôch ư\h kơ đunh đơ\ng ro\ng kơ ‘no\h. Yua thoi no\h, vă tang găn j^ vơnh, kon pơ lei kăl kơ chăng pơm kiơ\ ‘lơ\ng dôm trong tơ\ hơ la âu:

- {et pơ gang tang găn j^ vơnh ăn kơ ko\, meo hơ nơ\ng kiơ\ nơ\r tơ tă đơ\ng an^h jang.

- ‘Ne\ kơ hơ chăng kư\ kă ko\ meo tơ\ trong. Mư\h hơ chăng kư\ kă athei  cho# tơ bong ăn ko\ meo.

- Ư|h kơ pơ ngôi hơ nul, pơ hle ko\, meo, mă loi ‘no\h ư\h kơ ăn hơ io\h ie\ oei tơ je# kơ loăi kon tơ rong âu.

 - Mư\h đei ko\ meo kach, kăp, tơ drong mă blu\ng ‘no\h athei ôp rơ ka hăm sơ [o\ng tơ\ hơ la đak tơ nglang ro hơ nơ\ng đơ\ng 15 tru\h 20 pơ n^t. ‘Nâu j^ trong hơ met đei yua hlo\h vă tang găn j^ vơnh. Đơ\ng ro\ng ‘no\h le# rơ ka lo\h păng năm hloi tơ\ hnam pơ gang vă đei hơ met pơ ‘lơ\ng. Dang ei, [et pơ gang vaccine tang găn j^ vơnh ‘no\h j^ trong ‘lơ\ng hlo\h vă hoei kơ lôch.

- Ư|h kơ gơ\h chă hơ met j^ kơ d^h tơ\ hnam hăm dôm pơ gang kră sơ\.

Thu Huế - Quang Nhật: Ch^h

Thuem: Tơ blơ\