VOV4.Bahnar - Kơmăng năr 6/1 âu ki, H'Hen Niê , bơngai Ê đê, hlôi đei xơkơ\t hơdruh guăng dăp kơlă Việt Nam 2017. Xư ‘nao đei vih apong unh hnam păng pơlei pơla po tơ\ dêh char Dak Lak. Hăm đon bơnôh dơnưp kơ pơlei pơla Tây Nguyên, lơ bơngai hlôi truh hmach thơ thâu, vang ako\m xo# xôn hăm dôm tơdrong adrin đơ\ng H’Hen hlôi đei pôk hơpăh.  

Dôm năr đơ\ng ro\ng kơ kon drăkăn H Hen Niê đei xơkơ\t hơdruh guăng dăp kơlă Việt Nam, bơbu\ng hnam yă H Ngơn Niê (mă đe hơnơ\ng krao amí H Nen), tơ\ pơlei Sút M’Đưng, xăh Chư\ Suê, apu\ng Chư\ Mgar, dêh char Đak Lăk, hơnơ\ng đei kơdra#m kon pơlei truh hmach. Tang măt ăn khul kơdră apu\ng Chư\ Mgar vih apong hơdruh guăng ‘lơ\ng, [ok Y Wem H Wing, Pho\ kơdră anih vei lăng kon pơlei apu\ng Chư\ Mgar ăn tơbăt, H Hen jing hơdruh guăng dăp kơlă ‘nao, đơ\ng jơnu\m pơgơ\r tơring truh tơ\ kon pơlei, bu bu adoi pôk pơ ư hơ iă. Khul truh apong unh hnam hơdruh guăng dăp kơlă, mă blu\ng noh hơlêm, hmach ăn unh hnam, đơ\ng ro\ng noh băt kơtơ\ng ang, xơkơ\t vă hơmet pơgơ\r tơjra#m pơma dơnuh hăm hơdruh guăng ‘lơ\ng âu păng unh hnam hăm jơnu\m pơgơ\r apu\ng, dêh char vă pôk bơnê: “Unh hnam hlôi rơneh đei minh ‘nu kon, mă inh kơche\ng adrin kơ ‘nôh tôch dêh, yak hloh rim tơdrong tơnap tap lơ\m erih xa, hlôi adrin ho\k pơhrăm păng đei hơto\k ăh anih ang bang. ‘Năr âu noh kon pơlei kon kông, adrol hloh noh kon pơlei Êđê păng kon pơlei kon kông apu\ng Chư\ Mgar chơt hơ iă pơ ư pơ ang, nhôn truh hơlêm unh hnam păng kon pơlei lơ\m pơlei. Păng truh âu kơnh noh nhôn gô io\k um ai hơdruh guăng dăp kơlă âu vă pơtơm hơlên ăn kon hơ ioh kon kông tơ\ tơring pơma adro# păng kon hơ ioh kon kông nai hia”.

            Yă H’ Ngơn Niê, me\ hơdruh guăng dăp kơlă ăn tơbăt, đơ\ng ‘năr bre klo hơkăn yă chôt vih đơ\ng plei tơm Nha Trang, dêh char Khánh Hòa truh dang ei, đei lơ ‘nho\ng oh kơtum kơto\ng păng kueng [ôt truh hmach xo# xôn. Lơ bơngai lơ\m kueng tơroi, lơ\m kơmăng pơlong chung kêt, mă hơlen lăng lơ\m ti vi mă lei rim bơngai [rơ\k jơhngơ\m rim đe krao hơnăn H’ Hen păng jrơu măh kher hơlo\ng ăh xư đei xơkơ\t ăh anih jơnei kơjung hloh. Dôm năr âu, rim bơngai lơ\m unh hnam duh lơ ‘măng pơih kơmăi vi tinh pơih mạng hơlen lăng dơ\ng tơdrong pơlong đơ\ng H’ Hen, duh tam mă lui kon drăkăn po dang ei hlôi đei pơkăp hơdruh guăng dăp kơlă.

Yă H’ Ngơn tơroi, H’ Hen noh kon mă 3 lơ\m unh hnam, đơ\ng ro\ng kơ xư noh oei 3 ‘nu oh dơ\ng. Đơ\ng oei ‘la#p, H’ Hen kơdih chă pơvih păng pơ ‘nam, pơtơm ho\k lăm 4, lăm 5 mă lei băt chă tơgu\m me\ [ă jang tơdrong jang hnam nhen pơtăm [a, vei rơmo, choh ‘nhe\t. Ho\k đang trung học phổ thông, H’ Hen kho\m mă năm ho\k tơ\ plei tơm Hồ Chí Minh păng đơ\ng ro\ng kơ noh đei mơ\t ho\k tơ\ hnam trưng Dự bị đại học Trung ương Nha Trang, păng pơtoi kiơ\ druh tơdrong hơpơi kơ po đơ\ng ro\ng kơ 1 xơnăm ho\k dự bị: “Xư noh hơ ioh pơ ‘nam đơ\ng oei ‘la#p, mă tam băt jang mă lei duh ‘meh tơgu\m me\ [ă, tih [iơ\ noh hăp kơdih ho\k pơhrăm păng băt chă jang dôm tơdrong choh jang tơgu\m me\ [ă, mă tơnap tap duh adrin kơ ‘nôh kơdih. Khei năr ho\k tơ\ Sài Gòn, hăp năm jang tôm tơdrong, đơ\ng rong kon đe, hơpuih xut hnam đe. Inh băt đei ‘măng inh apinh đei jên đơ\ng yơ mă gơih vih tơ\ hnam, apinh hơnơ\ng noh xư pơtơm tơroi đei bơngai thuê xư chă hơpuih xut hnam oei. Hăp akhan đei năr vih đơ\ng ho\k klui noh pơ ‘nguaih hrat hloh vă tom jơ, inh kơtơ\ng măh le\ch đak măt jơ jrơ\k.”

Ưh adro# hơdruh adrin kơ ‘nôh, H’ Hen oei jing bơngai dơnưp păng tơre\k truh unh hnam. Yă H’ Ngơn tơroi, đei ‘măng klo hơkăn yă tơh^l băl, H’ Hen jing bơngai iung pơm kơdranh pơ ‘lơ\ng ăn me\ [ă. Khei năr ho\k đại học, ưh adro# ưh đei apinh jên unh hnam, H’ Hen adrin ho\k răh jang răh, mong jên ăn kơdih po păng gơih jên tơgu\m unh hnam. ‘Năr mă klo hơkăn nhi năm lăng hơlên kon pơlong tơ\ Nha Trang, mă ưh kơ văn hăm tơdrong pơlong po mă lei H’ Hen duh oei băt tơtă ăn me\ [ă tơre\k găh anih oei xa, gre vih vơ\t, yuơ kon hơkăn ưh juăt hăm trong tơring, atăm ‘măng mă blu\ng năm tơ\ ataih dơ\ng.

Oei tơ\ hnam, hơdruh guăng dăp kơlă âu tơguăt hăm H’ Min Niê – oh drăkăn je# hơdruch, đei tơdrong kiơ bre pơmai oh duh hơnơ\ng hăm dih băl. H’ Min Niê ăn tơbăt, mă pơmai erih ataih đơ\ng hnam đunh bơih mă lei bre pơmai oh hơnơ\ng pơma dơnuh hăm đie#n thoăi. Pơmai noh jing bơngai mă xư io\k pơm um ai vă adrin hloh lơ\m khei năr ano# anăp kơnh: “Pơmai Hen jing um ai ăn nhôn ho\k [oi. Tơdrong erih dang ei noh hlôi oei kơ đe păng rơneh hơ ioh bơih, tơdrong erih ba thoi noh đang bơih, noh ba athei hơlen tơre\k ăn kon hơ ioh ba dơ\ng, pơtho kon hơ ioh ho\k pơhrăm kiơ\ um ai pơmai Hen”.

Xo# hơ\k, pơ ư pơ ang yuơ kon drăkăn đei pơkăp hơdruh guăng dăp kơlă Việt Nam, mă lei unh hnam H’ Hen Niê tam mă minh năr pơdơh tơdrong choh jang xa. Tơklăh ti hăm tơmoi truh apong, yă H’ Ngơn hăt hot pơ ‘nguaih hơmet hnam oei, ăn nhu\ng ier xa păng hơmet por ‘nhot ăh kơmăng. {ok Y Krin Êban ([ă hơdruh guăng dăp kơlă) năm jang tơ\ anih ‘măn tơmam kơ anih [ok jang thuê ăn kơ đe vă pơtoi pơm jang dơ\ng.

Lan chih păng rapor