‘Năr 7/4, Anih vei lăng pơtho pơhrăm dêh char Điện Biên pơgơ̆r hơxoang tơ̆ trong glung ăn hŏk tro, sinh viên. ‘Nâu jĭ tơdrong jang tôch hơiă vă tơbăt 70 sơnăm tơblăh jơnei Điện Biên Phủ. Tơdrong hơxoang vă pơgơ̆r hrơ̆ch 1 ‘măng tơ̆ 4 anih đei: Cham xă 7/5, cham xă plt Điện Biên Phủ, cham anih soi păng ƀât hơnăp Rup man tơblăh jơnei Điện Biên Phủ.

Anih vei lăng pơtho pơhrăm dêh char Điện Biên krao akŏm 11 khul grŭp, anih pơtho pơhrăm, hăm hlŏh 2.200 ‘nu hŏk tro, sinh viên vang hơxoang hlŏh 33 ƀai, hăm dôm ƀai xòe, hơxoang so kơ dôm hơdrĕch kon kông nhen: Thái, Mông, Lào... kŭm hăm dôm ƀai hơxoang chăl ‘nao chơt hơiă. Dôm tơdrong hơxoang đei pơgơ̆r kơtă, pơlơh băl. Tơdrong hơxoang vă chĕp vei păng tưk tơiung dôm ƀai hơxoang so păng tơdrong hơxoang chăl hle hăm đe hŏk tro, sinh viên; chĕp vei kơjăp tơdrong juăt ‘lơ̆ng đơ̆ng dôm hơdrĕch kon kông tơ̆ dêh char Điện Biên. Mă loi jĭ pôk pơ ư um rup Điện Biên truh hăm bôl boăl jơ̆p tơring, hơtŏk tơdrong chă tơmang lăng tơ̆ tơring.