33 ‘nu bơngai bơngai pơlong gô pơ jei băl bu hơgei tơ̆ ‘măng pơlong pơm cheh phe huch ‘lơ̆ng Việt Nam
Thứ sáu, 14:06, 17/02/2023
VOV Tây Nguyên
VOV Tây Nguyên
VOV4.Bahnar - Jơnŭm cheh phe Buôn Ma Thuột ‘nao drơ̆ng kiơ̆ hơnăn dôm bơngai vang akŏm ‘Măng pơlong pơm cheh phe huch ‘lơ̆ng Việt Nam 2023 (Vietnam Amazing Brewing Master 2023) tơ̆ lêh cheh phe Buôn Ma Thuột ‘măng mă 8 sơnăm 2023.
33 ‘nu bơngai pơlong đơ̆ng 9 dêh char pơlei tơm lơ̆m teh đak gô vang pơlong, lơ̆m noh đei 24 ‘nu bơngai chih măt pơlong pơm hăm phin joăt joe păng 27 ‘nu chih măt vang pơlong pơm hăm Pour V60.
Tơdrong ‘nao đơ̆ng ‘măng pơlong âu ‘noh jĭ bơngai pơlong pơm kiơ̆ trong pơm cheh phe hăm ti hơnhăk tơdrong huch cheh phe kơ Việt Nam “phin joăt joe” păng pơm kiơ̆ ki thuơ̆t tring hlŏng hla ar kơ Nhật Bản “Pour V60” iŏk yua tơmam cheh phe Việt Nam. Tơdrong pơ long pơgơ̆r đơ̆ng ‘năr 10-13/3/2023, hăm tơdrong dăr lăng đơ̆ng Khŭl ki thuơ̆t ‘noh đei 18 ‘nu bơngai joăt jang, khŭl châm pơlong.
Viết bình luận