Vă jê̆ 800 nghệ nhân vang truh akŏm lơ̆m năr pơchơt vang tôn chĭng chêng, hơsoang tôch kơ hơiă, pôk pơ ư tơdrong joh ayŏ kơdŏ soang so, pơm ăn tơpôl păng tơmoi lăng tôch kơ hơiă. Dôm tơdrong tơƀôh hlôi pơm đei 1 hơnih lêh hơiă, ‘moi kiơ̆ tơdrong pơm tơiung dơ̆ng đêl so dôm tơdrong et soi păng oei sa ‘lơ̆ng hơiă nhen: Brư̆, Et jur sa, Soi kơ đak tơ nglang, Et soi kơ rông.

Lơ̆m năr joh ayŏ dôm hơdrĕch kon kông dêh char Gia Lai sơnăm ‘nâu, hơdai hăm tơdrong ‘lơ̆ng hơiă joh ayŏ kơ 2 hơdrĕch Bahnar păng Jrai, oei đei tơdrong ‘lơ̆ng hơiă joh ayŏ kơ bơngai Tày đơ̆ng păh Tu mơ̆t pơjing pơlei pơla ‘nao. Tơmoi năm lăng păng dôm nghệ nhân hlôi mơ̆t hơdai lơ̆m nơ̆r đàn Tính păng vang hơsoang tơplŏng kơ ‘long, tơgoăt tơ jê̆ dơ̆ng tơdrong ‘mêm đơ̆ng dôm tơpôl mă hlôi hơtăih băl rơbâu kilomet.