Hăm hơnăn “Quảng Ninh – Hokkaido: Mơ̆t hơdai joh ayŏ lơ tơdrong hơiă”, lêh ‘măng mă blŭng đei pơgơ̆r tơ̆ Việt Nam tơ̆ jih Ving Hạ Long, tơmma drăm cham char apŭng plĕnh teh hlôi sơng đei rơbâu ‘nu kon pơlei truh lăng păng ƀôh dôm tơdrong joh ayŏ ‘lơ̆ng hơiă gĭt kăl đơ̆ng 2 tơring păng 2 teh đak.

Lêh Hokkaido tơ̆ Hạ Long sơnăm 2023 păng dôm tơdrong jang tơbăt 50 sơnăm pơjing tơdrong pơvei jang tơbôl Việt Nam - Nhật Bản mĭnh ‘măng dơ̆ng sơkơ̆t hơdăh tơdrong pơvei hơdai, tơbôl, jang hơdai păng hơtŏk tơiung đơ̆ng khŭl kơdră chĕp kơ̆l păng kon pơlei 2 teh đak Việt Nam - Nhật Bản pơma atŭm, dêh char Quảng Ninh păng dêh char Hokkaido pơma hơdrô̆ lơ̆m khei ‘năr âu ki.