Hop akŏm iŏk đei lơ nơ̆r tơgop đơ̆ng dôm bơngai juăt jang, bơngai tơchĕng hơlen, tơgop dơ̆ng trong jang vă chĕp vei păng tưk tơiung tơdrong juăt kăp gĭt âu tơ̆ Đắk Lắk.

Hăm vă jê̆ 20 ƀai chih tơblang păng 10 nơ̆r pơma tơgop kơtă lơ̆m hop akŏm, dôm bơngai tang măt roi tơƀôh lơ tơdrong đei tơchĕng hơlen tôch ‘lơ̆ng vă pơm hơdăh dơ̆ng tơdrong kăl, kăp gĭt đơ̆ng Et hơiă kơ sơnăm arih sot kơ bơngai M’nông tơ̆ Đắk Lắk. Ƀok Nguyễn Anh Tú, Phŏ Kơdră vei lăng kon pơlei apŭng Lắk, akhan, ‘nâu jĭ tơdrong tôch gĭt kăl vă tơring hơnơ̆ng đei trong jang ‘lơ̆ng, chĕp vei păng tưk tơiung tơdrong et soi kăp gĭt âu tơ̆ hơnăp kơnh.