VOV4.Bahnar - ‘Năr (15/2), tơ̆ Trong Kơ sơ̆p hla ar – cheh phe Buôn Ma Thuột, Khul phĭn čhơ̆, chih pơ đơ̆k Dak Lak jang hơ doi hăm Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng dêh char pơ gơ̆r năr thơ Việt Nam ‘măng mă 20, sơ năm 2022.

Năr thơ tơ̆ trong Kơ sơ̆p hla ar – cheh phe Buôn Ma Thuột

Pơ gơ̆r đơ̆ng dang ei truh ‘năr 17/2, Năr thơ việt Nam tơ̆ Dak Lak đei hơ năn "Jăh arih păng hơ mĕng" đei pơ gơ̆r hăm lơ tơ drong tôch hơ iă, hăm tơ drong jang hơ doi kiơ̆ trong so hăm hle, tơ ƀôh hơ dăh dôm tơ drong jŏh ayŏ juăt jue kơ dôm hơ drĕch kon kông tơ̆ âu.

Rup  čhơ̆ “Kial vih ƀât kơ̆l pơ lei tơm”

Tơ̆ âu, rup čhơ̆ “Kial vih ƀât kơ̆l plt” đơ̆ng bơ ngai čhơ̆ Trần Thanh Long păng rup phĭn “Anih tơ klăh 6 tŏ trong Ban mê” đơ̆ng bơ ngai phĭn Bảo Hưng đei hơ păh ăn Khul pơ gơ̆r tơ drong jang “Pơ nhan por ‘mêm mơ nat Buôn Ma Thuột” vă tĕch iŏk jên tơ gŭm ăn dôm bơ ngai jĭ tơ nuh oei hơ met jĭ tơ̆ Hnam pơ gang Đa khoa tơ ring Tây Nguyên.

Dơ̆ng: Tơ blơ̆