Ƀlep ƀơ̆t năr Pơlei tơm Apŭng plĕnh teh 31/10, pơlei tơm Đà Lạt pơtơm đei UNESCO pôk hơnăn, mơ̆t hơdai lơ̆m khŭl dôm pơlei tơm pơcheh hơgei UNESCO lơ̆m tơdrong jang jọ ayŏ kơ dŏ soang. ‘Nâu jĭ tơdrong jang gĭt kăl vă pơlei tơm Đà Lạt lăng, hơnơ̆ng hơtŏk đei yua tơdrong pơcheh găh joh ayŏ kơ dŏ soang, tơgop pơih să tơdrong pơvei jang hơdai apŭng plĕnh teh, pơtrŭt mŭk drăm - tơpôl kơ tơring hơtŏk tơiung.

Kiơ̆ kơ ƀok Trần Quang Tú, Kơdră Anih vei lăng kon pơlei pơlei tơm Đà Lạt, hơdai hăm tŭn pran tơdrong jang tơroi tơbăt, hơtŏk ‘lơ̆ng đon hlôh vao, jang hơnăp đơ̆ng tơpôl, Đà Lạt tŏk bŏk tơlĕch jang kiơ̆ hrơ̆ch 1 ‘măng lơ trong jang vă vei kơjăp hơnăn, pơtrŭt pơlei tơm pơcheh hơgei hơtŏk tơiung găh joh ayŏ kơ dŏ soang kiơ̆ ƀlep nơ̆r pơkăp hăm UNESCO. Lơ̆m noh, lăng kăl jang ‘lơ̆ng tơdrong jang vei răk joh ayŏ kơ dŏ soang joăt joe, pơm tơdrong hiôk găh trong jang tơgŭm vă sơng đei, pơtrŭt hơtŏk tơiung lơ kơ loăi joh ayŏ kơ sŏ soang.