Đơ̆ng năr 29 khei 12 truh năr 5 têt, Đà Lạt hơvơn 238.000 tơmoi truh tơmang, pơdơh pơdei, tŏk jê̆ 62% pơtêng hăm khei năr âu sơnăm 2023. Lơ̆m kơsô̆ âu, đei 18.000 ‘nu tơmoi đơ̆ng teh đak nai truh, tŏk 114% păng jê̆ 180.000 tơmoi dăng oei. Kơsô̆ tơmoi tŏk lơ lơ̆m năr 3, 4 păng năr têt, pơm ăn lơ anih et xa tơ̆ anih tơm Đà Lạt jing hrăt hrot ah jơ et xa.

Vă tang găn tơhlăk tơhlĭn trong nơnăm đei nhen dôm sơnăm hơdrol ki, Kŏng an pơlei tơm Đà Lạt hlôi hơvơn 100% kơsô̆ bơngai jang, chă hơlen chơng trong mă sơđơ̆ng. Kiơ̆ Kŏng an pơlei tơm Đà Lạt, atŭm hăm tang găn tơhlăk tơhlĭn trong nơnăm, tơdrong chă hơlen păng sek phak dôm tơdrong bơh ƀơm gah ƀuih tơdrô, kơdâu renh kư̆ kă adoi đei tơlĕch pơm jang.