Pơma dơnuh hăm nghê̆ nhân, Đăi tướng hôn bơnê kon pơlei rim hơdrung tơ̆ Tây Nguyên hlôi vei răk tơƀăk mong păng roi năr roi pơm hơtŏk tơdrong kăp gĭt kơ tơdrong oei sa joh ayŏ joăt joe sơ̆ ki lơ̆m tơdrong hơrih sa kơ ‘năr. Đại tướng ‘meh vă tơdrong ‘lơ̆ng rŏ găh groi teh păng kon bơngai Tây Nguyên gô đei lang să pran kơtang truh hăm bôl boăl lơ̆m teh đak păng teh đak đe.

Ƀlep jơ ‘năr au, Đại tướng Tô Lâm hlôi pôk ăn 100 tŏ Radiô ăn rim nghê̆ nhân kơ dêh char Kon Tum vang năm Năr Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă I.