Kiơ̆ kơ ‘nŏh, dôm anih chă tơmang lăng pơjing tuor chă tơmang lăng 1 năr, tuor 3 năr 2 gơmăng mă ưh ‘nŏh 4 năr 3 gơmăng, lơ̆m nŏh tour 4 năr 3 gơmăng đei pơjing tơtil năr pơgơ̆r păng dôm tơdrong ngôi pơchơt lơ̆m năr Lêh vă pơm hiôk hian ăn tơmoi truh tơmang lăng, vang akŏm ngôi pơchơt lơ̆m năr Lêh.

Kŭm hăm 18 tơdrong jang tơm đơ̆ng năr Lêh, tơmoi chă tơmang lăng oei gơ̆h chă rơih dôm tour chă tơmang lăng tơ̆ dôm anih ‘lơ̆ng rŏ lơ̆m păng ‘ngoăih kơ plt Buôn Ma Thuột; dôm tour chă tơmang lăng nhen: hao tang vang, tŏk kông, hao thŏng nan, hao gre tang vang trong bri dăh mă truh hơlen năng ‘long chĕh phe, bơngai pơtăm cheh phe păng dôm tơdrong hơdrĕng, ot chĕh phe ƀôt tơ̆ Dak Lak.

Mă loi, lơ tour chông ba bơngai chă tơmang lăng truh hơlen năng tơdrong arih xa, jŏh ayŏ kơ dŏ xoang, pai tơmam xa, hơlen năng tơdrong juăt đơ̆ng sơ̆ kơ bơngai Rađe, bơngai M’nông păng tơdrong jŏh ayŏ kơdŏ xoang, tơmam xa kơ bơngai Lào tơ̆ Tây Nguyên.