Dak Lak: Hlŏh 5.000 tŏ rup čhơ̆ găh “Tơdrong tơbôl ‘lơ̆ng hơ iă Việt Nam – Hàn Quốc”
Thứ sáu, 08:07, 23/12/2022
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê (22/12), Grŭp dôm khul jang tơbôl dêh char Dak Lak jang hơdoi hăm Anih vei lăng pơtho pơhrăm plt Buôn Ma Thuột pơgơ̆r pơtôch păng hơpăh tơmam ăn tơdrong thi čhơ̆ rup hăm hơnăn “Tơdrong tơbôl ‘lơ̆ng hơ iă Việt Nam-Hàn Quốc”, ƀlep ƀât tơbăt 30 sơnăm năr pơjing tơdrong pơvei, jang tơbôl Việt Nam-Hàn Quốc (22/12).
Đei tơlĕch đơ̆ng khei 9 sơnăm ‘nâu, tơdrong thi hlôi sơng đei hlŏh 5 rơƀâu tŏ rup čhơ̆ đơ̆ng hŏk tro jăl 1 păng jăl 2 lơ̆m plt Buôn Ma Thuột. Yak hlŏh dôm ‘măng châm hơlen, khul châm hơlen hlôi rơih, hơpăh tơmam ăn 18 tŏ rup ‘lơ̆ng hơ iă hlŏh tơ̆ 2 jăl hŏk, hăm 2 yaih như̆k, 2 yaih ƀar, 4 yaih 3 păng 10 yaih pơ čhơp jơhngâm.
Ƀok Võ Tấn Tài, Phŏ Kơdră Grŭp dôm khul jang tơbôl dêh char Dak Lak, kơdră anih pơgơ̆r tơdrong thi ăn tơbăt, tơdrong thi âu jĭ tơdrong jang tôch hơ iă vă tơbăt 30 sơnăm năr pơjing tơdrong pơvei jang tơbôl Việt Nam -Hàn Quốc.
Viết bình luận