Lơ̆m 5 sơnăm âu ki, Khŭl jang Tơmang lăng Dak Lak hlôi jang hơdai pơgơ̆r lơ lăm pơhrăm ăn kơ hrĕng ‘nu bơngai hŏk, tơgop hơtŏk ‘lơ̆ng bơngai jang tơmang lăng. Ăn bơngai jang lơ̆m khŭl năm hơlen lăng, hŏk pơhrăm tơdrong hlôh vao, tơdrong jang tơmang lăng tơpôl păng pơvih pơvăn homestay tơ̆ dôm dêh char, pơlei tơm; tơgŭm ăn dôm bơngai jang lơ̆m khŭl vang akŏm dôm kơ chơ, pơdă tơƀôh, ăn dôm bơngai jang mơdro sa năm Famtrip, hơlen lăng, tơgoăt, kĭ pơkăp hla ar ƀiên ƀan jang hơdai găh tơmang lăng.

Lơ̆m jăl jang ‘nao, tơdrong jang đơ̆ng Khŭl jang akŏm lơ̆m tơdrong hơmet ming lơ̆m tơ doă, hơtŏk tơiung bơngai jang lơ̆m khŭl, hơvơn lơ kon jên jang vă tơlĕch jang ‘lơ̆ng hloh dôm tơdrong jang. Hơdai hăm ‘noh, Khŭl jang kŭm hơtŏk loi dơ̆ng dôm tơdrong jang hơdai, tơgoăt hơdai tơring, pơm đei dôm kơjă kơjăp lơ̆m hơtŏk tơiung tơmang lăng tơ̆ tơring.