Vă hơmet pơ ‘lơ̆ng dôm tơdrong ư̆h kơ jơnei au, tơlĕch trong vă jang rim sơnăm păng đunh đai vă hơvơn kon pơlei vang chă hop akŏm tơ̆ Hnam hop akŏm pơlei pơla-‘nau jing tơdrong tơm kơ Hop akŏm pơtôch 3 sơnăm jang kiơ̆ Tơdrong tơchơ̆t đơ̆ng Dơnŏ anĭh vei lăng kon pơlei dêh char Đăk Lăk pơgơ̆r pơgê năr 16/12.

Kiơ̆ kơ yă H’Yim Kđoh, Kơ iĕng Kơdră dêh char Đăk Lăk, vă atŏk jơnei rim tơdrong pơgơ̆r kơ hnam hop akŏm pơlei pơla, Dơnŏ anĭh vei lăng kon pơlei rim apŭng păng tơring kăl jang ‘lơ̆ng Trong pơkăp pơgơ̆r; lăng ba kơ jăp trŭh pơtrŭh ăn kon jên vă jang rim tơdrong jang đei tơchơ̆t lơ̆m Tơdrong pơkăp. Rim tơring jei kăl tơlĕch trong pơgơ̆r rim sơnăm păng đunh đai vă hơvơn kon pơlei vang năm. Yă H Yim jei athei Dơnŏ anĭh vei lăng Jŏh ayŏ kơdŏ soang-Đă ƀŏng lŏng tơplŏng kơdau păng Tơmang pơhiơ̆ hơnơ̆ng dăr lăng, chĭh hơdăh păng iung jang trŏ lăp vă sơđơ̆ng ăn rim pơlei pơla đei hnam hop akŏm, pơgơ̆r ‘lơ̆ng hơ iă.