VOV4.Bahnar – Vă tơgu\m đe hơ ioh đei lơ tơdrong ako\m hơlen vă băt pơchơt păng kăp g^t, lơ tơdrong ako\m pơchơt, hơlen vă băt găh joh ayo\ dôm hơdrung kon kông tơ\ tơring tơ\ Đăk Lăk hlôi đei pơgơ\r. Kiơ\ dôm tơdrong ako\m đe oh đei lơ trong hiôk vă hơlen băt găh joh ayo\ kon kông hăm dôm um ai ‘lơ\ng dim păng joh ayo\ adro#.

Minh năr je# đ^ khei 8, cham hnam kơjung kơ ama Jenny, tơ\ pơlei Ako Dhông, pơlei tơm Buôn Ma Thuột noh pơkleng pơklăp đơ\ng dôm tơdrong pơxuh pơchơt. Rim khul hơ ioh đơ\ng 8 truh 12 xơnăm atu\m băl chă ako\m dôm tơdrong pơxuh nhen “ ‘nhăk vih tơ\ pơlei pơla”, “tơblang kơthơ chih hăm nơ\r Anh”, “peh [a”, atu\m pai xa ‘năr dơ\ng ăn pơđ^ khul hăm tôm kơloăi ‘nhot, plei jua\t jue lơ\m rim ‘măng xo\ng xa rim năr kơ bơngai Ê Đê.

Nơ\r jrơu rơ ông rơ ang, jơva peh [a atu\m hăm tơdrong pơma dơnuh hăm nơ\r Anh – Việt roi pơm ăn kơ ‘năr ako\m roi chơt hơ ia\ hloh. Oh Tô Trần Pha Lê, 12 xơnăm, truh đơ\ng pơlei tơm Kon Tum, dêh char Kon Tum vang ako\m tơdrong hơlen chơt hơ ia\ ăn tơbăt: “ ‘Nâu jing tơdrong mă blu\ng mă inh vang ako\m, trăi he, Farmtrip păng tơdrong hơlen vă băt kơ rôih kon. Chơt hơ ia\ dêh păng hlôh vao hơdăh hloh găh tơdrong erih kơ bơngai Ê Đê. Inh ‘meh vă gơh ako\m hơlen vă băt lơ hloh dơ\ng vă hlôh vao găh dôm tơdrong joh ayo\ kơ dôm hơdrung kon kông nai”.

Ưh adro# pai xa păng vang ako\m dôm tơdrong pơchơt, lơ\m tơdrong ako\m đe oh oei đei năm tơmang tơ\ pơlei Ako\ Dhông, hơlen vă băt găh joh ayo\ păng um hnam kơjung, trong tanh brai, tơmơ\ng tơdra hri păng hơlen tơmam pơdreh tơdra kon kông, pơm krơ\ bieh um păng vang ako\m lơ tơdrong hơlen vă băt nai. 

‘Nâu jing tơdrong ako\m hơlen vă băt tơmang pơhiơ\ joh ayo\ ‘măn ăn hơ ioh hăm hơnăn krao “Khul rôih kon” kơyuơ minh Anih pơtho nơ\r teh đak đe tơ\ pơlei tơm Kon Tum, dêh char Kon Tum pơgơ\r tơ\ Đăk Lăk.

 Pơmai Nguyễn Thị Tuyết Nhung, Kơdră Anih pơtho nơ\r teh đak đe Sunshine, tơ\ dêh char Kon Tum tơroi: lơ\m khei pơdơh ho\k, atu\m hăm ho\k pơhrrăm tơ\ lăm, rim bơngai ho\k đei ako\m tơmang hơlen vă băt joh ayo\ tơ\ dôm dêh char lơ\m tơring Tây Nguyên. Kiơ\ đơ\ng noh tơgu\m ăn đe hơ ioh đei trong hiôk ho\k răh, pơchơt răh păng ako\m đei dôm tơdrong hlôh vao găh joh ayo\, nơ\r pơma păng chư chih. Tơ\ dôm dêh char nhen Gia Lai, Kon Tum dăh mă Đăk Lăk, dôm tơdrong ako\m hơlen vă băt joh ayo\ kơ dôm hơdrung kon kông tơ\ tơring noh xo# chơt păng hơvơn đei tơdrong tơnăng, hơlen vă băt đơ\ng đe hơ ioh [ơ\t ako\m hơlen: “Ưh kăl năm tơ\ ataih, mă lei đe kon adoi gơh ako\m hơlen vă băt tôm tơdrong ako\m noh păng noh ưh kơs^ adro# pơma hăm nơ\r Việt dăh mă pơchơt hmă mă nhôn pơma nơ\r Anh, tơmơ\t nơ\r pơtho kơ po vă đe kon gơh băt hloi lơ\m cham char erih tơpă thoi ăi, noh đe kon gơh yua nơ\r pơma thoi yơ mă gơh tro\ hơdăh”

Tơ\ Đăk Lăk, lơ\m ‘măng pơdơh he xơnăm âu, lơ anih tơmang pơhiơ\ lơ\m tơpôl hlôi kơdih pơgơ\r dôm tơdrong ako\m hơlen vă băt găh joh ayo\ ‘măn ăn khul đe hơ ioh nhen chă hơlen vă băt găh trong pơm bơ\ đing năm (tơgie\p 6 chơnoi), đing mbuôt, trong pai xik tơm, trong tanh brai, trong pai pro tăng, trong bơ\ por prung.

Chă hơlen vă băt răh đe oh đei pơm krơ\, kơtă bơ\ hloi. Pho\ đei hloi dôm tour hơlen vă băt “pơm bơngai jang mir” hăm hơbo\ ako\m tơ\ hnam kon pơlei, hao gre ko\ng no\ng năm tơ\ pơgar ka phê, năm yao ka dăh mă pơhrăm hlôm tơliơ\.

‘Nho\ng Y Thiên Adrơng, jang tơ\ Ko\ng ti tơmang pơhiơ\ Siam Tour, tơ\ pơlei tơm Buôn Ma Thuột, dêh char Đăk Lăk ăn tơbăt, hăm dôm anih dơ\ng hiôk đơ\ng dôm pơlei pơla đei tơdrong jua\t jue jang tơmang pơhiơ\, anih jang adrin tơroh hăm dôm tơdrong ako\m đei kơdih um ai joh ayo\ vă tơgu\m ăn tơmoi, mă hăt noh đe hơ ioh đei dơ\ng tơdrong ako\m hơlen vă băt găh joh ayo\ kơ tơring teh: “Đe boăl mơlôh đei ako\m hơlen vă băt găh hnam kơjung, hơbăn ao, kiơ\ dôm tơdrong ako\m hơlen vă băt tơgua\t hăm tơdrong joh ayo\. Păng đe boăl gô đei pơlong pai tơmam xa. Dôm tơmam xa âu noh axong ăn boăl kơdih chă pơjing. Mă lei, dôm tơmam drăm noh adoi io\k đơ\ng joh ayo\ Ê Đê, tơroh đei tơdrong joh ayo\ lơ\m noh. Inh ‘meh vă tơroh tôm lơ\m pơlei pơla âu, rim pơlei pơla jing minh cham char xă păng lơ tơdrong; ưh adro# ka phê, ưh adro# hnam kơjung. Ưh adro# găh tanh brai, mă hăp oei đei lơ tơdrong vă io\k yua lơ\m joh ayo\ kơ po”

 Hăm hơbo\ um hơbe\ch hơbal ho\k răh pơchơt răh, dôm tơdrong ako\m hơlen vă băt găh joh ayo\ ‘măn ăn đe hơ ioh tơ\ Đăk Lăk hlôi hơvơn lơ hơ ioh vang ako\m. Ưh adro# tơgu\m đe oh đei lơ tơdrong ako\m hơlen pơyua lơ\m khei năr pơdơh ho\k, dôm tơdrong ako\m hơlen vă băt âu oei tơgop tơgu\m đe oh đei trong hiôk vă hơlen băt lơ hloh găh joh ayo\ dôm hơdrung kon kông tơ\ tơring, đơ\ng noh hơmet tơ iung păng pơtoi vei răk tơ[ăk mong dôm kơjă joh ayo\ ‘lơ\ng ro\ kơ dôm hơdrung bơngai kon kông.

Lan chih păng pơre nơ\r