VOV4.Bahnar - Yak truh tơ băt 92 sơ năm năr pơ jing Đảng cộng sản Việt Nam păng kơ kuh pơ yan puih mak Nhâm Dần, pơ gê ‘năr (14/1), Anih ‘măn răk tơ mam so Dak Lak pơ gơ̆r et hơ tŏk pơ dă tơ mam păng bơ̆ jang vă kơ băt “ Mĭnh chăl sơ̆ vă kơ ƀlŏk”. Hăm vă jê̆ 230 um rup, tơ mam, tơ drong jang “ Mĭnh chă sơ̆ va wkơ ƀlŏk” đei pă dă hăm 2 tơ drong tơm ‘noh  “Tơ drong sa Têt sơ̆” păng “ Tơ ƀôh chăl mơ mat tat sơ̆ tơ̆ Dak Lak”.

Kiơ̆ đơ̆ng noh, vă tơ ƀôh dơ̆ng tơ drong oei sa sơ̆ hăm dôm tơ mam hơ iă pơ rŏ thim pơ kao cheng reng, plei ‘long, ƀĕng chư̆ng, ƀĕng têt. Kŭm hăm 2 tơ drong pơ dă, tơ drong Mĭnh chăl sơ̆ vă kơ ƀlŏk oei đei dôm tơ drong jang vă kơ băt păng chă pơ ma dơ nuh hăm tơ moi nhen: pơm ƀĕng kơ tăp iĕr, pơ pơn chơt đei hơ păh tơ mam, apĭnh pŭn ai blŭng sơ năm.

Thuem: Tơ blơ̆