‘Măng pơdă chă pơdă đei 120 hlak rup, hla bơar, tơmam drăm, hla bơar khoa hŏk păng dôm hla bơar au to găh Kơdră chĕp pơgơ̆r Teh đak Tôn Đức Thắng. ‘Moi kiơ̆ rim hla bơar, rup pơdă, kon pơlei băt hlŏh dơ̆ng găh mĭnh ‘nu bơngai lơ̆m jơhnơr blŭng kơ tơdrong jang kŏng nhân păng pơm rơngei hơdrĕch hơdrung Việt Nam, jĭ mĭnh lơ̆m dôm ‘nu boăl vang iung tơblăh hơdoi đunh sơnăm hăm Kơdră chĕp pơgơ̆r Teh đak Hồ Chí Minh.

Chăl bơ̆ jang kĕch mang ƀĕnh ƀang tơdrong long đơ̆ng Kơdră chĕp pơgơ̆r Teh đak Tôn Đức Thắng ‘nŏh jing bơngai yŭk trong hơlau lơ̆m jơhngơ̆m đon hơdrfin ư̆h kơ lap ăn tơdrong jang pơm rơngei ăn hơdrĕch hơdrung chăl kŏng nhân păng kon pơlei jang. Pơdă ‘nŏh jing ‘măng pơgơ̆r kơkuh chơt hơ iă ăn jơnei Pơm lêh hop akŏm Đoàn hơdruh tơdăm kŏng san Hồ Chí Minh lơ̆m teh đak ‘măng mă 12 tŏk bŏk pơgơ̆r tơ̆ Hà Nội. Đơ̆ng nŏh, pơtrŭt jơhnơr mơlôh ling lang hơdrin hŏk pơhrăm păng pơm kiơ̆ jơhngơ̆m đon ‘lơ̆ng đơ̆ng Kơdră chep pơgơ̆r teh đak Tôn Đức Thắng.