Công ty tơmang pơhiơ̆ cham char, oei sa joh ayŏ, pơlei pơla Ko Tam tơ̆ pơlei tơm Buôn ma Thuột pơgơ̆r pơm lêh Soh hlôt nhang, pôk bơnê Quốc Mẫu hơvơn đei lơ kon pơlei păng tơmoi năm lăng.

Dôm năr blŭng pơyan puih mak, tơ̆ rim apŭng kơ dêh char Dak Lăk jei hlôi pơgơ̆r lơ tơdrong joh ayŏ kơdŏ soang-đă ƀŏng lŏng tơplŏng kơdau gĭt kăl nhen: năr lêh joh ayo kơdŏ soang rim hơdrung apŭng Ea Kar ‘măng mă 3, Năr lêh jŏh ayŏ kơdŏ soang, đă ƀŏng lŏng tơplŏng kơdau hơdrung Mông tơ̆ apŭng Krông Bông, Pơm lêh Hảng Pồ tơ̆ thĭ xah Buôn Hô, Pơm lêh Jŏh ayŏ kơdŏ soang Việt Bắc tơ̆ apŭng Krông Năng; ‘măng pơlong tơglơ̆m Vụ Bổn, tơ̆ apŭng Krông Ana pơgơ̆r Pơlong hao thŏng nan păng pơm lêh tơjur gơ̆ng ga kơ bơngai Mường. ‘Nau ưh khan lăp dôm tơdrong pơgơ̆r tơgop pơtrŭt lơ tơmoi tơmang pơhiơ̆, mă lei oei pơjing dơ̆ng tơdrong pơchơt pơhiơ̆ ‘lơ̆ng hơ iă, hơnhăk đei jơhngơ̆m đon chơt hiôk ăn kon pơlei păng tơmoi.