Tơdrong pơdă, ming tơƀôh păng thi ‘long pơrŏ ‘lơ̆ng dêh char Dak Lak pơgơ̆r đơ̆ng ‘năr 7 - 15/3. Tơdrong ‘nâu akŏm đei hlŏh 6.000 ‘long pơrŏ đei ming pơdă păng dang 1.000 tŏ ‘long pơrŏ, tơ mam vang thi nhen: ‘Long; tơmo pơrŏ; Pơkao tơpông; Tơ̆r, sem pơrŏ. Tơdrong pơdă sơng đei hlŏh 500 ‘nu ngê̆ nhơ̆n truh đơ̆ng 11 dêh char, plt lơ̆m tĕh đak.

Tơdrong pơdă ‘long Pơrŏ mă âu vă roi tơbăt găh groi tĕh, kon bơngai, dôm tơdrong adrin đơ̆ng đe ngê̆ nhơ̆n, bơngai jang pơgar tơ̆ dêh char Dak Lak pơma hơdrô̆ păng khul ngê̆ nhơ̆n lơ̆m tơring păng lơ̆m tĕh đak pơma atŭm găh tơdrong vei lăng, tưk tơiung kơjă kăp gĭt đơ̆ng đơ̆ng tơmam, ‘long pơrŏ. Kiơ̆ đơ̆ng noh, hơtŏk đon hlôh vao, tơguăt tơdrong hưch ‘mêm kơ tơmam, ‘long pơrŏ năm truh tơdrong hơnhăk ‘long pơrŏ jing 1 tơdrong jang mŭk drăm đei yoa ‘lơ̆ng.