Pơgơ̆r truh đĭ ‘năr 20/8 truh, Pơdă um rup chĭng chêng kơmâu pơdă 50 rup chhơ̆ đơ̆ng 24 ‘nu bơngai pơcheh ‘noh jĭ bơngai joăt kơ chhơ̆, bơngai jang lơ̆m khŭl, bơngai jang tơgŭm kơ Khŭl jang chih pơđơ̆k joh ayŏ kơ dŏ soang Dak Lak. Mĭnh pôm rup đei 1 kơ mâu ‘lơ̆ng hơ drô̆, iŏk yua lơ kơ chơ̆t nhen đak tơ sơng dầu, đak tơ sơng mài, kơmâu đak,...

Dôm rup chhơ̆ tơdrong arih sa pơlei pơla, dôm tơmam yua joăt joe lơ̆m tơdrong arih sa kơ dôm hơdrĕch hơdrŭng kơ tă anih, dôm bri ‘long, kơ dơ pơkao dur yuăn ,... pơm jing 1 hơnih joh ayŏ ‘lơ̆ng hơ iă Tây Nguyên. Lơ̆m tơdrong jang, Khŭl jang găh rup chhơ̆ pơ rŏ ‘lơ̆ng Dak Lak kŭm pơgơ̆r pơma đam hăm hơnăn “Rup chhơ̆ pơ rŏ ‘lơ̆ng Dak Lak dôm tơdrong tơroi....” vă tơgŭm tơpôl hưch hanh kơ um rup đei kơ tă răp mơ̆ng dôm bơngai chhơ̆ rup pơma dơnuh găh tơdrong pơcheh chhơ̆ rup păng hơnhăk um rup truh jê̆ hăm tơpôl.