Lơ̆m jơva tôn chĭng djơ djrĭng, kră pơlei Ama HLoan (tơ̆ plei Akô Dhông, plt Buôn Ma Thuột) tơ ‘ngla pơgơ̆r et soi, soi tơbĕh ăn kơ yang păng tơroi găh tơdrong choh jang xa lơ̆m sơnăm âu ki. Gơnơm ‘năr rŏ, tŏ hơ lăng, ‘long pơ tăm blŭh jing ‘lơ̆ng, plei ‘yăl kơna pơyan choh jang xa đei iŏk yoa lơ. Ƀa ƀĕnh pơk, chĕh phe ƀĕnh mum hnam.

Dang ei pơyan kăt yoă, phĕ plei đang bơih, tơ ‘ngla pơgơ̆r et soi vă bơnê kơ yang plenh, yang tĕh păng et xa hơiă hơdai hăm rim bơngai. Kră pơlei Ama HLoan ăn tơ băt, et soi hơiă kơ pơyan choh jang đei, đei đơ̆ng sơ̆ lơ̆m tơdrong juăt jang ƀa mir kơ bơngai Rađe. Hrei ‘nâu, bơngai Rađe hlôi tơplih jing pơtăm lơ kơloăi ‘long kăp gĭt nhen chĕh phe, tiu. Mă lei, tơdrong et soi hơiă kơ pơyan jang oei tôch kăp gĭt đĕch. 

Lơ̆m jơ năr pơgơ̆r, tơmoi oei đei mơ̆ng, lăng đe tơroi hơ‘mon Dam San păng chă hơlen năng dôm tơdrong juăt ‘lơ̆ng đơ̆ng jang chĕh phe tơ̆ lơ tĕh đak lơ̆m apŭng plenh tĕh. ‘Nâu jĭ 1 tơdrong jang vă năm truh Năr pơgơ̆r Lêh chĕh phe Buôn Ma Thuột sơnăm 2023 vă pơgơ̆r lơ̆m khei 3 sơnăm truh tơ̆ Dak Lak.