VOV4.Bahnar - ‘Năr 14/6, Anih vei lăng jŏh ayŏ kơ dŏ xoang – Tơ plŏng kơ dâu păng chă tơ mang lăng Dak Lak pơ gơ̆r pơih 2 lăm pơ tho tôn chĭng ăn hơ iŏh tơ̆ apŭng Krông Ana. Lơ̆m nŏh, lăm pơ tho tôn chĭng Jhô kơ bơ ngai Ê Đê Bih tơ̆ thĭ trơ̆n Buôn Trấp ‘măn ăn đe ŏh drŏ kăn hăm 20 ‘nu ŏh, đơ̆ng 6 - 12 sơ năm. Lăm pơ tho tôn chĭng tơ̆ xăh Drai Sáp đei 21 ‘nu bơ ngai, drŏ nglo păng drŏ kăn hai, đơ̆ng 20-40 sơ năm. 

Pơih lăm pơ tho tôn chĭng Jhô tơ̆ apŭng Krông Ana, dêh char Dak Lak

Lơ̆m 2 khei, dôm bơ ngai hŏk gô đei hŏk tôn lơ ƀai tôn chĭng nhen ƀai Sơng tơ moi, hơ iă kơ pơ yan choh jang, soi kơ ƀa ‘nao. Dôm jơ hŏk đei pơ gơ̆r tơ̆ gơ măng tơ̆ hnam hŏk hôp pơ lei, yoa dôm bơ ngai gơ̆h tôn chĭng tơ̆ tơ ring pơ tho ăn. ‘Măng mă âu, Dak Lak oei pơih 1 lăm pơ tho tôn chĭng M’nông tơ̆ apŭng Lắk ăn 20 ‘nu bơ ngai kiơ̆ hŏk đơ̆ng 15 -25 sơ năm.

Dơ̆ng: Tơ blơ̆