Hơnhăk kơsơ̆p hla ar truh hăm tơpang ti đe ŏh hŏk tro tơ̆ tơring hơtăih yăih ‘nŏh jĭ 1 lơ̆m dôm tơdrong jang tôch hơiă đơ̆ng Khul chih pơđơ̆k, phĭn rup Dak Lak jang kiơ̆ Năr kơsơ̆p hla ar păng tơdrong juăt chă đŏk hla ar sơnăm ‘nâu.

Yă Niê Thanh Mai, Kơdră vei lăng khul tơroi, jang kiơ̆ nơ̆r athei đơ̆ng Khul chih văn Việt Nam, Khul chih pơđơ̆k, phĭn rup Dak Lak hơpăh kơhrĕng kơsơ̆p hla ar kiơ̆ tơdrong jang “Hơpăh hla ar đŏk ăn hơiŏh tơ̆ tơring hơtăih yăih” păng pơgơ̆r lơ jơ tơƀâp, pơma nuh hăm bơngai chih. Yă Niê Thanh Mai hơmĕng, kiơ̆ đơ̆ng âu, đe ŏh hŏk tro đei đŏk lơ hla ar ƀiơ̆, đơ̆ng noh ‘măn lơ jơ năr ăn tơdrong chă đŏk hla ar, hơlẻn năng rim tơdrong đei chih lơ̆m hla ar.