Vang thi tơplŏng kơdâu lơ̆m tĕh đak ‘măng mă IX sơnăm 2022, khul tơplŏng kơdâu dêh char Dak Lak đei 150 ‘nu bơngai tơplŏng kơdâu, bơngai pơtho vang pơjei băl tơ̆ 14/43 tơdrong thi. Mă hơtuch, khul iŏk đei 13 Mê đai măih, 9 mê đai hu păng 15 mê đai kong. Lơ̆m nŏh, đei 2 ‘nu bơngai thi pơlong phă đei tơdrong pran rơgei hlŏh lơ̆m tĕh đak hăm môn hiŏng tă, dui băl, iŏk đei yaih như̆k đĭ đăng khul, păng dơ̆ng mă 20/65 dêh char, anih jang vang thi lơ̆m tĕh đak.

Tơ̆ lêh pơtôch, ƀok Võ Văn Cảnh – Phŏ Kơdră vei lăng kon pơlei dêh char Dak Lak hơiă hăm Khul tơplŏng kơdâu Dak Lak hlôi yak hlŏh lơ tơdrong mơmat tat, pơlong nol ƀât mă jĭ hơbŭh oei tơpŏh sơ̆ vă pơtâp pơhrăm, thi pơlong iŏk đei jơnei ‘lơ̆ng. Ƀlep ƀât ‘măng mă âu, Dơnŏ anih vei lăng kon pơlei dêh char Dak Lak hơpăh ƀăng khen ăn 13 ‘nu bơngai pơtho, 36 ‘nu bơngai tơplŏng kơdâu yoa iŏk đei jơnei ‘lơ̆ng lơ̆m tơdrong pơtâp, pơhrăm păng thi pơlong lơ̆m ‘măng thi tơplŏng kơdâu lơ̆m tĕh đak mă IX sơnăm 2022 âu ki.