Lơ̆m “Giĕng lêh hŏk pơhrăm đĭ jơhnơr hơrih”, rim tơring, anih jang akŏm tơlĕch dôm tơdrong jang nhen: tơroi tơbăt gah tơdrong kăp gĭt păng sơnong jang kơ tơdrong hơtŏk joh ayŏ đŏk hơlen, hơtŏk hŏk pơhrăm đĭ jơhnơr hơrih; pơgơ̆r akŏm săch vă tơbang săch ‘nao, pơjing tơdrong akŏm pơma dơnuh đơ̆ng bơngai chih păng bơngai đŏk săch; pơjing kâu lak ƀô̆ đŏk săch kiơ̆ hơnăn, grŭp sơnăm’ pơgơ̆r dôm tơdrong pơlong chih, bieh, tơroi kiơ̆ săch, ƀăo...

Ah lêh pơtơm, Jơnŭm pơgơ̆r hlôi tơlĕch 6 tơdrong kơ giĕng lêh akŏm hŏk pơhrăm đĭ jơhnơr hơrih sơnăm 2024 ăn dôm tơring, anih jang, jơnŭm tơpôl, anih pơtho pơhrăm. Rim anih jang tơgŭm hlôi asong ăn 200 kơsơ̆p săch; 50.000 tai khuan lơ̆m thư viê̆n sô̆; asong jên hŏk, tơmơ̆t lơ̆m jên mong pơtrŭt hŏk pơhrăm kơ dêh char.