VOV4.Bahnar - Đơ̆ng rŏng khei ‘năr pơ dơ̆h yoa đơ̆ng jĭ Covid-19, tơ̆ Anih jŏh ayŏ kơ dŏ xoang dêh char Dak Lak, Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng Dak Lak pơ gơ̆r tôn chĭng, Jơ va bri kông hăm hơ năn “Re ling lang tŏk bŏk bri kông” vă pơ vih ăn kon pơ lei păng tơ moi chă tơ mang lăng.

Tôn chĭng chêng – Rôp ti hơ xoang

‘Ngoăih đei mơ̆ng lăng tơ drong tôn chĭng chêng tôch hơ iă, tơ moi chă tơ mang lăng oei đei et tơ drô, tơ ƀot ăn kong păng mât hơ dai hăm tơ drong rôp ti hơ xoang. Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng dêh char Dak Lak ăn tơ băt: ‘Nâu jĭ tơ drong jang tôch gĭt kăl vă roi tơ băt ăn kon pơ lei, tơ moi chă tơ mang lăng kơ jă kăp gĭt đơ̆ng tôn chĭng chêng Tây Nguyên; roi tơ ƀôh um rup, tơ drong ‘lơ̆ng đơ̆ng chă tơ mang lăng, jŏh ayŏ kơ dŏ xoang kơ dêh char Dak Lak.

Dơ̆ng: Tơ blơ̆