VOV4.Bahnar - Pơ gê ‘năr (10/10), tơ̆ pơ lei tơm Buôn Ma Thuột, Khŭl chih pơ đơ̆k dêh char Dak Lak jang hơ dai hăm Anih vei lăng găh pơ tho pơ hrăm pơ gơ̆r lêh tơ lĕch jang tơ drong pơ long “ Chih găh thây kô păng hnam trưng ‘mêm kơ eng” ƀlep ƀơ̆t tơ băt 40 sơ năm Năr Thây kô pơ tho Việt Nam (20/11/1982-20/11/2022). Pơ gơ̆r đơ̆ng dang ei truh đĭ ‘năr 7/11 truh.

Tơ drong pơ long “ Chih găh thây kô păng hnam trưng ‘mêm kơ eng” ‘măn ăn kơ đe kang ƀô̆, bơ ngai jang teh đak, bơ ngai jang pơ tho pơ hrăm păng hŏk tro, sinh viên rim anih pơ tho pơ hrăm tơ̆ Dak Lak. Ƀai chih vang pơ long ‘noh kơ loăi văn xuôi, akŏm chih găh dôm tơ drong tơ băt ‘lơ̆ng hơ iă, dôm tơ drong đei ƀôh pơ tho pơ hrăm hơ gei dăh mă tơ drong hơ iă, tơ drong ‘mêm tơ klep hăm hnam trưng păng thây kô pơ tho.

VOV Tây Nguyên/Thuem tơ blơ̆