Kiơ̆ trong jang đơ̆ng Anih chĕp kơ̆l đảng dêh char Đắk Lắk, dêh char vă pơgơ̆r tơbăt 120 sơnăm pơjing lơ̆m ‘năr 22/11 sơnăm ‘nâu. Tơ̆ âu đei dôm tơdrong tơm nhen hơri hơxoang păng prăh kơmlăi pơkao. Kŭm hăm ‘nŏh jĭ hop akŏm khoa hŏk “Đắk Lắk - 120 sơnăm pơjing păng jang tŏk”; Pơdă tơƀôh 1,2 tơdrong jơnei găh mŭk drăm - tơpôl; pơgơ̆r kơchơ pơdă tĕch tơmam ‘lơ̆ng păng roi tơƀôh dôm tơmam OCOP; Pơm lêh hrŭk pơguăng hăm hơnăn “Đắk Lắk, Hơbĕch hơbal – Gơh hơgei – Mât hơdai”, dôm tơdrong thi phĭn rup păng thi hơlen năng 120 sơnăm pơjing, jang tŏk đơ̆ng dêh char Đắk Lắk. Dôm tơdrong ‘nâu đei pơgơ̆r đơ̆ng khei 3 truh păng vă akŏm dêh hlŏh lơ̆m 3 khei hơtuch sơnăm 2024.

Tơ̆ hop akŏm Kơdră chĕp kơ̆l Anih vei lăng kon pơlei dêh char Đắk Lắk athei dôm anih jang jăh tơlĕch jang kiơ̆ dôm tơdrong đei tơlĕch; hơdai hăm ‘nŏh, chih măt pơjing trong vă jang, tơdrong jang vă pơgơ̆r tơdrong joh hơri hơxoang ‘lơ̆ng rŏ, tơgăl hăm tơdrong tơbăt.